புடலை பொரியல்... இந்த சீக்ரெட் மசாலா சேர்த்துப் பாருங்க!

அடுத்த முறை நீங்கள் புடலங்காய் வாங்கும்போது, மதிய உணவுக்கு இந்தக் காரசாரமான பொரியலை செய்து பாருங்கள். இதன் சுவை உங்களை நிச்சயம் கவர்ந்து இழுக்கும்.

தேவையான பொருட்கள்:

புடலங்காய் - 1 

எண்ணெய் - தேவையான அளவு

கடுகு - 1/2 தேக்கரண்டி

உளுத்தம்பருப்பு - 1 தேக்கரண்டி

கறிவேப்பிலை - சிறிதளவு

உப்பு - தேவையான அளவு

மஞ்சள் தூள் - 1/2 தேக்கரண்டி

அரைப்பதற்கு:

பூண்டு - 4-5 பற்கள்

வரமிளகாய் - 2-3 

சீரகம் - 1 தேக்கரண்டி

செய்முறை:

முதலில், புடலங்காய் மெல்லிய வில்லைகளாக நறுக்கி வைத்துக் கொள்ளுங்கள்.ஒரு கடாயில் எண்ணெய் விட்டு சூடாக்கவும். எண்ணெய் சூடானதும், கடுகு, உளுத்தம்பருப்பு, கறிவேப்பிலை சேர்த்து தாளிக்கவும். தாளித்ததும், நறுக்கிய புடலங்காய் மற்றும் தேவையான அளவு உப்பு சேர்த்து நன்கு வதக்கவும்.

View this post on Instagram

A post shared by Aarthi Vivekanandan (@yummytummyaarthi)

பிறகு, சிறிது தண்ணீர் சேர்த்து புடலங்காய் மென்மையாகும் வரை வேக விடவும். இதற்கிடையில், பூண்டு, வரமிளகாய், சீரகம் மூன்றையும் மிக்ஸியில் சேர்த்து கொரகொரப்பாக அரைத்து வைத்துக் கொள்ளுங்கள். புடலங்காய் வெந்ததும், அதில் மஞ்சள் தூள் மற்றும் அரைத்து வைத்துள்ள விழுதைச் சேர்க்கவும். 

சிறிது கூடுதல் எண்ணெய் சேர்த்து, அடுப்பை அதிக தீயில் வைத்து சுமார் ஐந்து நிமிடங்கள் நன்கு வறுக்கவும். புடலங்காய் பொன்னிறமாக மாறி, மசாலா வாசனை வரும் வரை வறுக்க வேண்டும். இப்போது சுவையான காரசாரமான புடலங்காய் பொரியல் தயார். இதை சூடான சாதத்துடன் சேர்த்து சாப்பிட மிகவும் அருமையாக இருக்கும்.