வீக் எண்ட் ரெசிபி: கோழி பிரட்டல்; இதுதான் சீக்ரெட் மசாலா!

சாதம், பரோட்டா, அல்லது சப்பாத்தி போன்ற உணவுகளுக்கு சிறந்த உணவாக இருக்கும் சிக்கன் வறுவல் எப்படி செய்வது என்பதை பார்ப்போம். இந்த செய்முறை, வீட்டில் எளிமையான முறையில் இந்த சுவையான உணவை எப்படி செய்வது என்பதைப் பற்றி பார்ப்போம்.

தேவையான பொருட்கள்

அரைக்க வேண்டிய மசாலா:

பிரிஞ்சி இலை - 2

கிராம்பு - 3

ஏலக்காய் - 3

மல்லி விதைகள் - 2 தேக்கரண்டி

காஷ்மீரி காய்ந்த மிளகாய் - 2

மிளகு - 1 தேக்கரண்டி

சீரகம் - 1 தேக்கரண்டி

சோம்பு - 1 தேக்கரண்டி

வறுவலுக்கு:

வானவில் கடலை எண்ணெய் - 3 தேக்கரண்டி

சின்ன வெங்காயம் - 100 கிராம்

பச்சை மிளகாய் - 3

கறிவேப்பிலை - சிறிதளவு

சிக்கன் - 1/2 கிலோ

இஞ்சி பூண்டு விழுது - 2 தேக்கரண்டி

உப்பு மற்றும் மஞ்சள் தூள் - தேவையான அளவு

அரைத்து வைத்த மசாலா - 2 தேக்கரண்டி

காஷ்மீரி மிளகாய் தூள் - 1 தேக்கரண்டி

கொத்தமல்லி இலை - சிறிதளவு (கடைசியில் சேர்க்க)

செய்முறை

முதலில், அரைக்க வேண்டிய மசாலாப் பொருட்களை ஒரு கடாயில் போட்டு மிதமான தீயில் வறுக்கவும். அவை நல்ல மணம் வந்ததும், அதை ஆறவிட்டு பொடியாக அரைத்து வைத்துக் கொள்ளவும்.

ஒரு வாணலியில் எண்ணெய் ஊற்றி சூடாக்கவும். எண்ணெய் காய்ந்ததும், நறுக்கிய சின்ன வெங்காயம், பச்சை மிளகாய் மற்றும் கறிவேப்பிலை சேர்த்து பொன்னிறமாக வதக்கவும். அடுத்து, இஞ்சி பூண்டு விழுதை சேர்த்து அதன் பச்சை வாசனை போகும் வரை வதக்கவும்.

View this post on Instagram

A post shared by Vaishalibalachandar (@mom_of_boysvaishu)

சுத்தம் செய்யப்பட்ட கோழி துண்டுகளை சேர்த்து, மஞ்சள் தூள் மற்றும் தேவையான அளவு உப்பு சேர்த்து நன்கு கிளறவும். கோழி சிறிதளவு வெந்ததும், மூடி போட்டு மிதமான தீயில் 5-7 நிமிடங்கள் வேக விடவும்.

இப்போது, அரைத்து வைத்த மசாலா பொடி மற்றும் காஷ்மீரி மிளகாய் தூள் சேர்த்து நன்கு கலக்கவும். மசாலா கோழியில் நன்கு கலக்கும் வரை கிளறி விடவும். கோழி நன்கு வெந்து, மசாலா வாசம் வந்ததும், தீயை குறைத்து மேலும் 5 நிமிடங்கள் பிரட்டவும். கடைசியாக, நறுக்கிய கொத்தமல்லி இலைகளை தூவி இறக்கினால், சுவையான சிக்கன் வறுவல் தயார்.