வீக் எண்ட் ரெசிபி: நெய் சேர்த்து நாட்டுக் கோழி வறுவல்... சட்டி சோறு காலியாக கேரண்டி!

நாட்டுக்கோழிக்கறி வைத்து கீ ரோட்ஸ்ட் எப்படி செய்வது என்பதை இந்த பதிவில் பார்ப்போம்.

தேவையான பொருட்கள்

நாட்டுக்கோழி - 1 கிலோ

சின்ன வெங்காயம் - 150 கிராம்

இஞ்சி பூண்டு விழுது - 2 டேபிள்ஸ்பூன்

நெய் - 4 டேபிள்ஸ்பூன்

தயிர் - 1/2 கப்

புளிக்கரைசல் - 2 டேபிள்ஸ்பூன்

கறிவேப்பிலை - சிறிதளவு

உப்பு - தேவையான அளவு

தண்ணீர் - தேவையான அளவு

வறுத்து அரைக்க

காய்ந்த மிளகாய் - 10-12

மல்லி - 2 டேபிள்ஸ்பூன்

சீரகம் - 1 டீஸ்பூன்

சோம்பு - 1 டீஸ்பூன்

குருமளகு (மிளகு) - 1 டீஸ்பூன்

செய்முறை

முதலில், ஒரு கடாயில் சிறிதளவு எண்ணெய் விட்டு, வறுக்க கொடுக்கப்பட்டுள்ள பொருட்களை (காய்ந்த மிளகாய், மல்லி, சீரகம், சோம்பு, மிளகு) சேர்த்து பொன்னிறமாக வறுக்கவும். ஆறியதும், சிறிதளவு தண்ணீர் சேர்த்து மையாக அரைத்து தனியாக வைக்கவும்.

அதே கடாயில், நெய் சேர்த்து கறிவேப்பிலை தாளிக்கவும். பின்னர், சின்ன வெங்காயத்தை சேர்த்து பொன்னிறமாக வதக்கவும். இதனுடன் இஞ்சி பூண்டு விழுது சேர்த்து பச்சை வாசனை போகும் வரை வதக்கவும். பிறகு, நாட்டுக்கோழி துண்டுகளை சேர்த்து நன்றாக வதக்கவும்.

View this post on Instagram

A post shared by Subhaamma Vlogs (@subhaammavlogs)

கோழி ஓரளவு வெந்ததும், அரைத்து வைத்துள்ள மசாலாவை சேர்த்து நன்கு கலக்கவும். தேவையான அளவு உப்பு, தயிர் மற்றும் புளிக்கரைசல் சேர்த்து, கோழி நன்கு வேகும் வரை மிதமான தீயில் மூடி வைத்து சமைக்கவும். அவ்வப்போது கிளறி விடவும். கிரேவி கெட்டியானதும், மேலும் சிறிதளவு நெய் சேர்த்து இறக்கினால் சுவையான கண்டி சிக்கன் கீ ரோஸ்ட் தயார்.