அரைச்சு விட்ட கோழி குழம்பு: இப்படி செஞ்சா ருசியே தனி!

பிராய்லர் சிக்கனை வைத்து நாட்டுக்கோழிக் குழம்பின் சுவையில் ஒரு அட்டகாசமான குழம்பு செய்ய முடியும் என்பது உங்களுக்குத் தெரியுமா? சரியான முறையில் அரைத்துவிட்டுச் செய்யும் இந்தச் செய்முறை, பிராய்லர் சிக்கனில் கூட நாட்டுக்கோழி குழம்பின் அதே மணத்தையும் சுவையையும் தரும். இந்தச் சுவையான சமையல் குறிப்பை நீங்களும் முயற்சி செய்து பாருங்கள்!

தேவையான பொருட்கள்

கோழிக்கறி: 3.25 கிலோ 

சின்ன வெங்காயம்: 10

தக்காளி: 2

பச்சை மிளகாய்: 2

இஞ்சி பூண்டு விழுது: 2 தேக்கரண்டி

உப்பு: 1 தேக்கரண்டி

கடலை எண்ணெய்: 2 தேக்கரண்டி

தேங்காய்: கால் மூடி

அரைத்து வதக்குவதற்கு

சீரகம்: 1 தேக்கரண்டி

மிளகு: 1 தேக்கரண்டி

சோம்பு: 1 தேக்கரண்டி

பட்டை: 1 சிறிய துண்டு

கிராம்பு: 1

ஏலக்காய்: 1

செய்முறை

முதலில், கடாயில் சிறிது எண்ணெய் விட்டுச் சீரகம், மிளகு, சோம்பு, பட்டை, கிராம்பு, ஏலக்காய் ஆகியவற்றைச் சேர்த்துப் பொன்னிறமாக வறுத்துக்கொள்ளவும். அடுத்து, அதே கடாயில் கால் மூடி தேங்காயைச் சேர்த்து, பொன்னிறமாகும் வரை வறுத்து, ஆற வைக்கவும். வறுத்த மசாலா மற்றும் தேங்காயை மிக்ஸியில் போட்டு மையாக அரைத்து தனியாக எடுத்து வைக்கவும்.

பிறகு, மற்றொரு கடாயில் 2 தேக்கரண்டி கடலை எண்ணெய் விட்டு, பொடியாக நறுக்கிய சின்ன வெங்காயத்தைச் சேர்த்து நன்கு வதக்கவும். வெங்காயம் வதங்கியதும், பச்சை மிளகாய் மற்றும் தக்காளியைச் சேர்த்து நன்கு மசிய வதக்கவும். இப்போது, சுத்தம் செய்து வைத்திருக்கும் சிக்கனைச் சேர்த்து, அதனுடன் இஞ்சி பூண்டு விழுது மற்றும் உப்பு சேர்த்து லேசாக வதக்கவும்.

சிக்கன் சற்று வதங்கியதும், அரைத்து வைத்திருக்கும் மசாலாவைச் சேர்த்து, தேவையான அளவு தண்ணீர் ஊற்றி நன்கு கலக்கவும். குழம்பை மிதமான தீயில் வைத்து, சிக்கன் வெந்து, குழம்பு கெட்டியாகும் வரை கொதிக்க விடவும். அவ்வளவுதான்! கம கமவென மணக்கும் அரைத்துவிட்ட கோழிக் குழம்பு தயார். இந்தக் குழம்பின் சுவை, நாட்டுக்கோழி குழம்பை மிஞ்சும் அளவுக்கு இருக்கும்.