ஈரல் அழுக்கு, கொழுப்பு க்ளீன்... இந்த ஜூஸ் மிஸ் பண்ணாதீங்க!

பொதுவாக சமையலுக்குப் பயன்படுத்தப்படும் கொத்தமல்லி இலை, சுவைக்காக மட்டுமின்றி, அதன் மருத்துவ குணங்களுக்காகவும் அறியப்படுகிறது. இதில் வைட்டமின்கள், தாதுக்கள், மற்றும் ஆண்டிஆக்சிடண்டுகள் நிறைந்துள்ளன. இவை உடல் எடையைக் குறைப்பதற்கும், உடலின் ஆரோக்கியத்தை மேம்படுத்துவதற்கும் பெரிதும் உதவுகின்றன. குறிப்பாக கல்லீரல் ஆரோக்கியத்திற்கு அதிகம் உதவும். கொத்தமல்லி இலை ஜூஸ் தயாரிப்பது மிகவும் சுலபம்

தேவையான பொருட்கள்:

ஒரு கைப்பிடி புதிய கொத்தமல்லி இலைகள்

ஒரு கப் தண்ணீர்

அரை எலுமிச்சைப் பழம்

பூண்டு 2

செய்முறை:

கொத்தமல்லி இலைகளை நன்கு சுத்தம் செய்து கொள்ளவும். ஒரு பிளெண்டரில் சுத்தம் செய்த இலைகள், பூண்டு மற்றும் தண்ணீரைச் சேர்த்து நன்றாக அரைக்கவும். அரைத்த கலவையை ஒரு வடிகட்டி அந்த ஜூஸுடன் எலுமிச்சை சாற்றை சேர்த்து நன்கு கலக்கவும். உங்கள் ஆரோக்கியமான கொத்தமல்லி இலை ஜூஸ் தயார்!

View this post on Instagram

A post shared by Sarathi T (@villagedairy88)

கொத்தமல்லி இலைகள் வளர்சிதை மாற்றத்தை (metabolism) அதிகரிக்கின்றன. இதனால் கலோரிகள் வேகமாக எரிக்கப்பட்டு, உடல் எடை குறைகிறது. இந்த ஜூஸ் செரிமான மண்டலத்தின் செயல்பாட்டை சீராக்குகிறது. இதனால் அஜீரணம், மலச்சிக்கல் போன்ற பிரச்சனைகள் தவிர்க்கப்படுகின்றன.

உடலில் உள்ள தேவையற்ற நச்சுப் பொருட்களை (toxins) வெளியேற்ற கொத்தமல்லி இலை உதவுகிறது. இது உடல் புத்துணர்ச்சி பெறவும், நோய் எதிர்ப்பு சக்தியை அதிகரிக்கவும் உதவுகிறது. கொத்தமல்லி இலை ஜூஸ் இரத்த சர்க்கரை அளவை கட்டுக்குள் வைக்கவும் துணைபுரிகிறது. தினமும் காலையில் வெறும் வயிற்றில் இந்த ஜூஸை குடிப்பதால் சிறப்பான பலன்களைப் பெறலாம்.