சும்மா சுருக்குன்னு ஒரு சைடிஷ்... தட்டு சோறு காலி!

சுவையான பூண்டு முட்டை ப்ரை எப்படி செய்வது என்பதை பார்ப்போம்

தேவையான பொருட்கள்:

முட்டை - 4

பூண்டு - 10 பல்

காய்ந்த மிளகாய் – 10

சீரகம் – ஒரு டீஸ்பூன்

மஞ்சள் தூள் - 1/2 தேக்கரண்டி

எண்ணெய் - 2 தேக்கரண்டி

உப்பு - தேவையான அளவு

கொத்தமல்லி - சிறிதளவு (நறுக்கியது)

செய்முறை:

முதலில் முட்டையை நன்று வேகவைத்து உரித்து எடுத்துக்கொள்ளவும். அந்த முட்டையை நன்றாக கீறி வைத்துக்கொள்கொள்ளவும். அடுத்து ஒரு வாணலியில் எண்ணெய் ஊற்றி சூடாக்கவும். சூடானதும், பூண்டு சேர்த்து பொன்னிறமாக வதக்கவும். பிறகு வரமிளகாய், சீரகம் சேர்த்து நன்கு வதக்கவும். இந்த கலவையை தனியாக எடுத்து பேஸ்டாக அரைத்து எடுத்துக்கொள்ளவும்.

View this post on Instagram

A post shared by karthis_cookbooks (@karthis_cookbooks)

அதன்பிறகு வாணலியில் எண்ணெய் விட்டு அதில் அரைத்த பேஸ்டை சேர்த்து அதில் உப்பு, மஞ்சள் தூள், சேர்த்து, மசாலா வாடை போகும் வரை வதக்கவும். மசாலா நன்கு வதங்கியதும், முட்டைகளை அதில் சேர்த்து கிளரவும். இறுதியாக நறுக்கிய கொத்தமல்லி இலைகளை தூவி இறக்கினால் சுவையான பூண்டு முட்டை ப்ரை ரெடி. இதை சூடான சாதம், சப்பாத்தி அல்லது இட்லி தோசைக்கு தொட்டுக்கொள்ள அருமையாக இருக்கும்.