காரசாரமான சேப்பங்கிழங்கு வறுவல்... இந்த சீக்ரெட் மசாலாவை மிஸ் பண்ணிடாதீங்க!

ஆந்திரா சேப்பங்கிழங்கு காரம் என்பது ஆந்திரா சமையலில் மிகவும் பிரபலமான ஒரு காரசாரமான வறுவல். இது பொதுவாக சாதம், சாம்பார் சாதம் அல்லது தயிர் சாதத்துடன் ஒரு பக்க உணவாகப் பரிமாறப்படுகிறது. இந்த ரெசிபியில் சேப்பங்கிழங்கு வறுவல் மிருதுவாகவும், வெளியில் மொறுமொறுப்பாகவும் இருக்கும்.

தேவையான பொருட்கள்:

சேப்பங்கிழங்கு - 500 கிராம்

கடுகு - 1/2 டீஸ்பூன்

உளுத்தம்பருப்பு - 1 டீஸ்பூன்

கறிவேப்பிலை - 1 கொத்து

காய்ந்த மிளகாய் - 2 (நறுக்கியது)

மஞ்சள் தூள் - 1/2 டீஸ்பூன்

மிளகாய் தூள் - 1 டீஸ்பூன் (காரத்திற்கு ஏற்ப கூட்டலாம் அல்லது குறைக்கலாம்)

தனியா தூள் - 1 டீஸ்பூன்

பெருங்காயத்தூள்  - 1/4 டீஸ்பூன்

உப்பு - தேவைக்கேற்ப

எண்ணெய் - 2-3 டேபிள்ஸ்பூன் (நல்லெண்ணெய் பயன்படுத்தலாம்)

செய்முறை:

சேப்பங்கிழங்கை நன்கு கழுவி, ஒரு பிரஷர் குக்கரில் சிறிதளவு தண்ணீர் சேர்த்து 4-5 விசில் வரும் வரை வேக விடவும். கிழங்கு மிகவும் மென்மையாகிவிடாமல், சற்று கெட்டியாக இருக்கும்படி பார்த்துக் கொள்ளவும். கிழங்கு வெந்தவுடன், தோலை உரித்து, விருப்பமான வடிவில் துண்டுகளாக நறுக்கிக் கொள்ளவும்

ஒரு கடாயில் எண்ணெய் ஊற்றி சூடாக்கவும். எண்ணெய் காய்ந்ததும், கடுகு சேர்த்து வெடிக்க விடவும். பிறகு உளுத்தம்பருப்பு சேர்த்து பொன்னிறமாக வறுக்கவும். கறிவேப்பிலை மற்றும் நறுக்கிய காய்ந்த மிளகாய் சேர்த்து சில வினாடிகள் வதக்கவும். இப்போது வேகவைத்த சேப்பங்கிழங்கு துண்டுகளை கடாயில் சேர்க்கவும்.

View this post on Instagram

A post shared by Sri priya (@spicysamayals)

அடுத்து மஞ்சள் தூள், மிளகாய் தூள், தனியா தூள்,  மற்றும் தேவையான அளவு உப்பு சேர்க்கவும். மசாலாக்கள் சேப்பங்கிழங்கு துண்டுகளில் நன்கு ஒட்டிக் கொள்ளும்படி மெதுவாக கிளறி விடவும். அடுப்பை மிதமான தீயில் வைத்து, சேப்பங்கிழங்கு துண்டுகள் வெளிப்பக்கத்தில் பொன்னிறமாகி மொறுமொறுப்பாகும் வரை வறுக்கவும்.

சேப்பங்கிழங்கு நன்கு வறுபட்டு, மொறுமொறுப்பானதும், அடுப்பை அணைத்து விடவும். காரசாரமான ஆந்திரா சேப்பங்கிழங்கு வறுவல் தயார்! சூடான சாதம், சாம்பார் அல்லது தயிர் சாதத்துடன் பரிமாறவும்.