பேச்சுலர்ஸ் ரெசிபி: மொறு மொறு தோசைக்கு ஏற்ற சைடிஷ்!

எளிமையாகவும் விரைவாகவும் சமைக்கக்கூடிய ஒரு ரெசிபியைத் தேடுகிறீர்களா? கவலையே வேண்டாம்! அனுபவமற்றவர்களும் கூட அசத்தலாக செய்யக்கூடிய, அட்டகாசமான சிக்கன் சுக்கா ரெசிபியை இங்கே பார்க்கலாம். இந்த சிக்கன் சுக்கா, சூடான சாதம், வெறும் சாதம், தோசை, பூரி, சப்பாத்தி, இடியாப்பம் என அனைத்துடனும் அருமையாக பொருந்தக்கூடியது. ஒருமுறை சமைத்தால், மீண்டும் மீண்டும் செய்யத் தூண்டும் சுவை

தேவையான பொருட்கள்:

சிக்கன் - 1/2 கிலோ

வெங்காயம் - 1 பெரியது 

இஞ்சி பூண்டு விழுது - 2 டேபிள்ஸ்பூன்

மஞ்சள் தூள் - 1/2 டேபிள்ஸ்பூன்

எண்ணெய் - 3 டேபிள்ஸ்பூன்

கறிவேப்பிலை - சிறிதளவு

பச்சை மிளகாய் - 2 

மிளகாய் தூள் - 1 டேபிள்ஸ்பூன் 

மல்லித்தூள் - 1 டேபிள்ஸ்பூன்

சீரகத்தூள் - 1/2 டேபிள்ஸ்பூன்

கரம் மசாலா - 1/2 டேபிள்ஸ்பூன்

தக்காளி - 1 சிறியது

உப்பு - தேவையான அளவு

கொத்தமல்லி தழை - சிறிதளவு 

செய்முறை:

ஒரு கடாயில் எண்ணெய் ஊற்றி சூடாக்கவும். எண்ணெய் காய்ந்ததும், நறுக்கிய வெங்காயத்தைப் போட்டு, பொன்னிறமாக வதக்கவும். வெங்காயம் நன்கு சுருண்டு, பொன்னிறமாக வந்ததும் தனியே எடுத்து வைத்துக் கொள்ளவும். 1/2 கிலோ சிக்கனை நன்கு கழுவி, தண்ணீரை வடித்து தயாராக வைத்துக் கொள்ளவும்.

அதே கடாயில், மீதமுள்ள எண்ணெயுடன், வதக்கி வைத்த வெங்காயம், இஞ்சி பூண்டு விழுது சேர்த்து நன்கு வதக்கவும். இத்துடன் மஞ்சள் தூள், மிளகாய் தூள், மல்லித்தூள், சீரகத்தூள், கரம் மசாலா, மற்றும் தேவையான அளவு உப்பு சேர்த்து நன்கு கிளறவும். மசாலாக்களின் பச்சை வாசனை போகும் வரை வதக்கவும்.

View this post on Instagram

A post shared by Foodiecollection_2 (@foodiecollection_2)

இப்போது சுத்தம் செய்த சிக்கனை சேர்த்து, மசாலாவுடன் நன்கு கலக்கவும். ஒரு சிறிய தக்காளி சேர்க்க விரும்பினால், இந்த நேரத்தில் சேர்த்து நன்கு வதக்கவும். அடுப்பை மிதமான தீயில் வைத்து, கடாயை மூடி, சிக்கனை வேக விடவும்.

சிக்கனில் இருந்து தண்ணீர் வெளிவரும், அந்த தண்ணீரிலேயே சிக்கன் வேகும்.
அவ்வப்போது திறந்து கிளறி விடவும். சுமார் 15-20 நிமிடங்கள் கழித்து, சிக்கன் நன்கு வெந்து, மசாலா சிக்கனுடன் சேர்ந்து சுக்கா பதத்திற்கு வந்ததும், எண்ணெய் தனியே பிரிந்து வரும். கடைசியாக, பொடியாக நறுக்கிய கொத்தமல்லி தழை தூவி அடுப்பை அணைக்கவும். அவ்வளவுதான்! சுவையான, காரசாரமான சிக்கன் சுக்கா தயார்.