வீக் எண்ட் ரெசிபி: வீட்டுல சிக்கன் எடுத்தா இத கொஞ்சம் ட்ரை பண்ணுங்க!

சுவையான கறி இட்லி எப்படி செய்வது என்பதை பார்ப்போமா?

தேவையான பொருட்கள்:

சிக்கன் - 500 கிராம்

சமையல் எண்ணெய் - தேவையான அளவு

சோம்பு - 1/2 டீஸ்பூன்

இஞ்சி பூண்டு விழுது - 2 டீஸ்பூன்

கறிவேப்பிலை - சிறிதளவு

வெங்காயம் - 2 (நறுக்கியது)

தக்காளி - 1 (நறுக்கியது)

மஞ்சள்தூள் - 1/2 டீஸ்பூன்

மிளகாய்த்தூள் - 2 டீஸ்பூன்

உப்பு - தேவையான அளவு

தண்ணீர் - தேவையான அளவு

கொத்தமல்லி இலை - ஒரு கைப்பிடி

செய்முறை:

ஒரு கடாயில் தேவையான அளவு எண்ணெய் ஊற்றி, சோம்பு சேர்த்து பொரிய விடவும். பிறகு இஞ்சி பூண்டு விழுது சேர்த்து பச்சை வாசனை போக வதக்கவும். இதனுடன் சுத்தம் செய்த சிக்கனை சேர்த்து, எண்ணெயிலேயே நன்றாக வதக்க வேண்டும்.

சிக்கன் சற்று வதங்கியதும், நறுக்கிய வெங்காயம், தக்காளி, கறிவேப்பிலை சேர்த்து நன்கு வதக்கவும். அடுத்து, மஞ்சள்தூள், மிளகாய்த்தூள், தேவையான அளவு உப்பு சேர்த்து, மசாலா வாடை போகும் வரை நன்கு கிளறி விடவும். மசாலா நன்கு வதங்கியதும், தேவையான அளவு தண்ணீர் ஊற்றி, சிக்கன் வேகும் வரை மூடி போட்டு சமைக்கவும்.

10 நிமிடங்கள் கழித்து மிளகுத்தூள், கொத்தமல்லி இலை சேர்த்து இறக்கிவிட்டு, இட்லி தட்டில், பாதியளவு மாவை ஊற்றி, சிக்கன் தொக்கை நடுவில் வைத்து அதன் மீது மீண்டும் மாவை ஊற்றி வேக வைத்து எடுத்தால் சுவையாக கறி இட்லி ரெடி. ட்ரை பண்ணி பாருங்க.