முடி உதிர்வை தடுக்கும்... இந்த சட்னி கிடைச்சா விடாதீங்க!

நமது சமையலில் அதிகம் பயன்படுத்தப்படும் ஒரு பொருள் கறிவேப்பிலை,. மணத்திற்காகவும், சுவைக்காகவும் சேர்க்கப்படும் இந்த கறிவேப்பிலையில் எண்ணற்ற சத்துக்கள் நிறைந்துள்ளன. இதை ஒரு சட்னியாக செய்து சாப்பிட்டால், அதன் முழு நன்மையையும் பெறலாம். இட்லி, தோசை, சாதம் போன்றவற்றுடன் சேர்த்துச் சாப்பிட ஏற்ற சுவையான கறிவேப்பிலை சட்னி செய்வது எப்படி என்று பார்க்கலாம்.

தேவையான பொருட்கள்:

கறிவேப்பிலை - 1 கப்

காய்ந்த மிளகாய் - 5 முதல் 6

உளுத்தம் பருப்பு - 2 தேக்கரண்டி

புளி - ஒரு சிறிய துண்டு

பெருங்காயம் - ஒரு சிட்டிகை

எண்ணெய் - 1 தேக்கரண்டி

உப்பு - தேவையான அளவு

தண்ணீர் - தேவையான அளவு

செய்முறை:

முதலில், ஒரு கடாயில் எண்ணெய் ஊற்றி சூடாக்கவும். எண்ணெய் காய்ந்ததும், உளுத்தம் பருப்பு மற்றும் காய்ந்த மிளகாயைச் சேர்த்து, பொன்னிறமாக வறுக்கவும். பிறகு, சுத்தம் செய்யப்பட்ட கறிவேப்பிலையைச் சேர்த்து, இலைகள் நன்கு சுருங்கும் வரை வதக்கவும்.

கறிவேப்பிலை வதங்கியதும், அடுப்பை அணைத்து, அதனுடன் புளி மற்றும் பெருங்காயத்தைச் சேர்த்து ஆறவிடவும். ஆறிய பிறகு, வதக்கிய பொருட்களை ஒரு மிக்ஸி ஜாரில் போட்டு, தேவையான அளவு உப்பு மற்றும் தண்ணீர் சேர்த்து, மையாக அரைக்கவும். சுவையான மற்றும் சத்தான கறிவேப்பிலை சட்னி தயார். இதனை சூடான சாதம், இட்லி, தோசை ஆகியவற்றுடன் சேர்த்துப் பரிமாறலாம்.