வாரம் 2 முறை சாப்பிட்டால் ஆஸ்பத்திரிக்கு போக வேணாம்; மேஜிக் கீரை துவையல்!

இரும்புச்சத்து, வைட்டமின்கள் மற்றும் தாதுக்கள் நிறைந்த முருங்கைக்கீரையை வைத்து ஒரு அருமையான சைடிஷ் செய்யலாம். அதுதான் முருங்கைக்கீரை சட்னி.

தேவையான பொருட்கள்

முருங்கைக்கீரை: 1 கப்

சின்ன வெங்காயம்: 10

தக்காளி: 1 (நடுத்தர அளவு)

பூண்டு: 4-5 பல்

காய்ந்த மிளகாய்: 3-4 (காரத்திற்கேற்ப)

புளி: ஒரு சிறிய நெல்லிக்காய் அளவு

சமையல் எண்ணெய்: 1 தேக்கரண்டி

உப்பு: தேவையான அளவு

தாளிக்க: கடுகு, உளுத்தம் பருப்பு, கறிவேப்பிலை, கொத்தமல்லி, எண்ணெய்

செய்முறை

ஒரு கடாயில் சிறிதளவு எண்ணெய் விட்டு, கடுகு, உளுத்தம் பருப்பு,காய்ந்த மிளகாய், பூண்டு, சின்ன வெங்காயம் சேர்த்து வதக்கவும். வெங்காயம் பொன்னிறமானதும், தக்காளி மற்றும் புளியைச் சேர்த்து நன்கு மசிய வதக்க வேண்டும். இப்போது ஆய்ந்து, சுத்தம் செய்து வைத்துள்ள முருங்கைக்கீரையைச் சேர்த்து, கீரை சுருங்கும் வரை வதக்கவும்.

View this post on Instagram

A post shared by Then Mozhi (@thenmozhi2031)

பிறகு, கறிவேப்பிலை, கொத்தமல்லி,சேர்த்து தேவையான அளவு உப்பு சேர்த்து ஒரு நிமிடம் வதக்கி அடுப்பை அணைக்கவும். வதக்கிய கலவை ஆறிய பின், சிறிதளவு தண்ணீர் சேர்த்து மிக்ஸியில் மைய அரைத்துக் கொள்ளவும். இப்போது சுவையான மற்றும் ஆரோக்கியமான முருங்கைக்கீரை சட்னி தயார்!