ஊட்டச்சத்துக்கு பஞ்சமில்லை... கேரளா ஸ்டைல் கடலை கறி; இப்படி செஞ்சு குடுங்க!

சாம்பார் சுவையில் அசத்தலாக இருக்கும் கேரள ஸ்டைல் கடலைக்கறியை எப்படி செய்வது என்று பார்ப்போம்.

தேவையான பொருட்கள்:

ஊறவைத்த கருப்பு கொண்டைக்கடலை

வெங்காயம்

பச்சை மிளகாய்

இஞ்சி

பூண்டு

உப்பு

சோம்பு

மிளகு

பட்டை

கிராம்பு

ஏலக்காய்

தேங்காய் (துருவியது)

மல்லித்தூள்

மிளகாய்த்தூள்

மஞ்சள்தூள்

முந்திரி பருப்பு (ஊறவைத்தது)

தேங்காய் எண்ணெய்

கடுகு

காய்ந்த மிளகாய்

சின்ன வெங்காயம்

தேங்காய் (சிறு துண்டுகளாக நறுக்கியது)

செய்முறை:

முதலில், ஒரு குக்கரில் ஊறவைத்த கருப்பு கொண்டைக்கடலையைச் சேர்க்கவும். அதனுடன் பொடியாக நறுக்கிய வெங்காயம், பச்சை மிளகாய், இஞ்சி, பூண்டு, சிறிதளவு உப்பு மற்றும் தேவையான அளவு தண்ணீர் சேர்த்து நன்கு வேகவிடவும். நான்கு விசில் வரும் வரை வேக வைக்கவும்.

அடுத்து ஒரு பாத்திரத்தில் ஒரு டேபிள்ஸ்பூன் சோம்பு, சிறிதளவு மிளகு, பட்டை, கிராம்பு, ஏலக்காய் ஆகியவற்றைச் சேர்த்து எண்ணெய் இல்லாமல் வறுக்கவும். நன்கு வறுத்ததும், ஒரு மூடி தேங்காயைத் துருவி சேர்த்து, அது காய்ந்து போகும் வரை வறுத்து எடுக்கவும். இது நன்கு ஆறியதும், மிக்ஸியில் போட்டு அரைத்துக் கொள்ளவும்.

அடுத்து கிரேவிக்கு ஒரு கிரீமி தன்மையையும் சுவையையும் கொடுக்கும். வேகவைத்த கொண்டைக்கடலையிலிருந்து இரண்டு டேபிள்ஸ்பூன் அளவு எடுத்து, ஊறவைத்த முந்திரி பருப்புடன் சேர்த்து ஒரு மீடியம் ஜாரில் அரைத்துக் கொள்ளவும்.

வேகவைத்த கொண்டைக்கடலையுடன் சிறிதளவு மல்லித்தூள், மிளகாய்த்தூள், மஞ்சள்தூள் சேர்த்து நன்கு கிளறவும். பிறகு, நாம் முதலில் அரைத்த தேங்காய் பேஸ்ட் மற்றும் கொண்டைக்கடலை-முந்திரி பேஸ்ட்டைச் சேர்த்து நன்கு கலந்துவிடவும். லேசாக கொதிக்க விடவும். கிரேவி நன்கு கெட்டியாகிவிடும்.

தாளிப்பதற்கு சிறிதளவு தேங்காய் எண்ணெய் சேர்த்து, கடுகு, காய்ந்த மிளகாய், சின்ன வெங்காயம், மற்றும் சிறிதளவு தேங்காயைத் துண்டுகளாக வெட்டிச் சேர்த்து நன்கு தாளித்து, கிரேவியுடன் கலந்துவிடவும். இந்த சுவையான கேரள ஸ்டைல் கடலைக்கறி புட்டு, ஆப்பம் போன்றவற்றுடன் பரிமாற மிகவும் சூப்பராக இருக்கும்.