கேசரி இனி கரண்டில ஒட்டமா வரும்... இத மட்டும் ட்ரை பண்ணுங்க!

பண்டிகைகள், விருந்துகள் மற்றும் சிறப்பு நிகழ்வுகளில் பெரும்பாலும் கேசரி செய்வதை பார்த்திருக்கலாம். இந்த சுவையான மற்றும் எளிய இனிப்பை வீட்டிலேயே எப்படி செய்வது என்று பார்ப்போம்.

தேவையான பொருட்கள்:

ரவை (வெள்ளை ரவை) - 1 கப் (200 கிராம்)

சர்க்கரை - 1.5 கப் (300 கிராம்)

நெய் - 50 மில்லி

ரீஃபைண்டு ஆயில் - 50 மில்லி

முந்திரிப் பருப்பு - 50 கிராம்

உலர் திராட்சை - 50 கிராம்

ஏலக்காய் - 5

உப்பு - 1/2 டீஸ்பூன்

கேசரி பவுடர் - 1 டீஸ்பூன்

செய்முறை:

முதலில், ஒரு கடாயில் நெய் மற்றும் எண்ணெய் சேர்த்து சூடாக்கவும். அதில் முந்திரிப் பருப்பு மற்றும் திராட்சையை போட்டு பொன்னிறமாக வறுத்து தனியாக எடுத்து வைக்கவும். அதே கடாயில், ரவையை சேர்த்து மிதமான தீயில் வாசனை வரும் வரை வறுக்கவும். ரவை கருகாமல் பார்த்துக்கொள்ள வேண்டும். வறுத்த ரவையை தனியாக ஒரு தட்டில் கொட்டி வைக்கவும்.

இப்போது, அதே கடாயில் 3 கப் தண்ணீர் ஊற்றி கொதிக்கவிடவும். தண்ணீர் கொதிக்கும்போது, கேசரி பவுடர் மற்றும் உப்பை சேர்க்கவும். பிறகு, வறுத்த ரவையை சிறிது சிறிதாக சேர்த்து, கட்டி சேராதவாறு தொடர்ந்து கிளறிக்கொண்டே இருக்கவும்.

View this post on Instagram

A post shared by Kaathuvaakula_samayal (@kaathuvaakulasamayal)

ரவை தண்ணீரில் நன்கு வெந்ததும், சர்க்கரையை சேர்க்கவும். சர்க்கரை சேர்த்ததும் கேசரி சற்று நீர்த்துப் போகும். அதை மீண்டும் கெட்டியாகும் வரை கிளறவும். கேசரி மீண்டும் கெட்டியாகி, கடாயில் ஒட்டாமல் வரும்போது, நெய்யில் வறுத்த முந்திரி, திராட்சை மற்றும் ஏலக்காய் தூளை சேர்க்கவும். அனைத்தையும் நன்கு கலந்து, அடுப்பை அணைக்கவும். இப்போது உங்கள் சுவையான மற்றும் மென்மையான கேசரி தயார்.