பல மணி நேரம் ஆனாலும் பஞ்சு மாதிரி சாஃப்ட்... கொழுக்கட்டை பிடிக்க ஈஸி டிப்ஸ்!

கொழுக்கட்டை செய்யும் போது, ஒரு சின்ன மாற்றம் செஞ்சு பாருங்க. விரிசலே இல்லாம, பல மணி நேரம் ஆனாலும் பஞ்சு போல சாஃப்டா இருக்கும்.

தேவையான பொருட்கள்:

பச்சரிசி மாவு - 1 கப்

கான்ஃப்ளோர் மாவு - 1 ஸ்பூன்

தேங்காய் எண்ணெய் - 1 ஸ்பூன்

உப்பு - தேவையான அளவு

வேர்க்கடலை பொடி - அரை கப் (அல்லது எள், பொட்டுக்கடலை பொடி)

வெல்லம் பொடி - முக்கால் கப்

ஏலக்காய் தூள் – சிறிது

தேங்காய் துருவல்

செய்முறை:

ஒரு பாத்திரத்தில் ஒரு கப் பச்சரிசி மாவு, தேவையான அளவு உப்பு, ஒரு ஸ்பூன் கான்ஃப்ளோர் மாவு சேர்த்து கரைத்து, அடுப்பில் வைத்து கிளரவும். இதனுடன் ஒரு ஸ்பூன் தேங்காய் எண்ணெய் சேர்த்து நன்கு பிசைந்து கொள்ளவும். கான்ஃப்ளோர் சேர்ப்பதால் கொழுக்கட்டையில் விரிசல் வராமல் இருக்கும்.

இதன்பிறகு இதனை தனியாக எடுது்து வைத்துவிட்டு, பூரணம் தயாரிக்க, ஒரு கடாயில் நெய் விட்டு, அதில் தேங்காய் துருவல் ஈரப்பதம் போகும்வரை வறுத்து அதனுன், வேர்க்கடலை பொடி, வெல்லம் பொடி மற்றும் சிறிது ஏலக்காய் தூள் சேர்த்து வதக்கிக் கொள்ளவும்.

பிசைந்து வைத்த மாவில் இருந்து சிறிது எடுத்து, உள்ளங்கையில் வைத்து வட்டமாகத் தட்டி, நடுவில் பூரணத்தை வைத்து மூடவும். பின்னர், விரல்களால் ஓரங்களை மெதுவாக அழுத்தி ஒட்டவும்.

View this post on Instagram

A post shared by gomathy (@gomus.lifestyle)

கொழுக்கட்டையை இன்னும் அழகாக மாற்ற, மாவை ஒரு கிண்ணத்தின் மேல் வைத்து, மீதமுள்ள மாவை நீக்கிவிட்டு வட்ட வடிவம் கொடுக்கலாம். இட்லி பாத்திரத்தில் 3 நிமிடங்கள் வேக வைத்தால், சுவையான மற்றும் சாஃப்டான கொழுக்கட்டை தயார்! இந்த டிப்ஸை பயன்படுத்தி நீங்களும் கொழுக்கட்டை செய்து பாருங்க, நிச்சயம் மென்மையாகவும் விரிசல் இல்லாமலும் இருக்கும்.