உளுந்து ஊற வைக்கவே வேணாம்... சூடான மெதுவடை; சிம்பிள் டிப்ஸ்!

சுவையாகவும், மொறுமொறுவென்றும் இருக்கும் உளுந்த வடை செய்ய, உளுந்தை ஊற வைக்க தேவையில்லை. உளுந்தை ஊற வைக்காமல், சுவையான மற்றும் மொறுமொறுப்பான உளுந்த வடை எப்படி செய்வது என்று பார்ப்போம்.

தேவையான பொருட்கள்:

உளுந்து - 1 கப்

வெங்காயம் - 1 (நறுக்கியது)

பச்சை மிளகாய் - 2 (நறுக்கியது)

இஞ்சி - ஒரு சிறிய துண்டு (நறுக்கியது)

கறிவேப்பிலை - சிறிதளவு

கொத்தமல்லி - சிறிதளவு

மிளகு - 1 தேக்கரண்டி

உப்பு - தேவையான அளவு

எண்ணெய் - பொரிப்பதற்கு தேவையான அளவு

செய்முறை:

ஒரு கப் உளுந்தை நன்கு கழுவி, துணியில் பரப்பி காய வைக்கவும். ஈரம் இல்லாமல் காய்ந்த பிறகு, அதை ஒரு மிக்ஸி ஜாரில் சேர்த்து, நன்கு மாவு போன்று அரைக்கவும். அரைத்த மாவை ஒரு பாத்திரத்தில் மாற்றி, அதனுடன் நறுக்கிய வெங்காயம், பச்சை மிளகாய், இஞ்சி, கறிவேப்பிலை, கொத்தமல்லி, மிளகு, மற்றும் தேவையான அளவு உப்பு சேர்த்து நன்கு கலக்கவும்.

View this post on Instagram

A post shared by Subhaamma Vlogs (@subhaammavlogs)

அடுப்பில் எண்ணெய் ஊற்றி, சூடானதும், மாவை சிறு சிறு வடையாகத் தட்டி, எண்ணெயில் பொரித்தெடுக்கவும். பொன்னிறமாக வறுத்து எடுத்த உளுந்த வடையை, தேங்காய் சட்னியுடன் சேர்த்து பரிமாறவும். இந்த முறையில் செய்தால், மொறுமொறுப்பான மற்றும் சுவையான உளுந்த வடை தயார்.