தள்ளு வண்டி கடை தண்ணி சட்னி: ஈஸி டிப்ஸ்

தள்ளுவண்டி கடைகளில் கிடைக்கும் காரட் சட்னியின் சுவைக்கு ஈடு இணையே இல்லை. பார்ப்பதற்கு தண்ணீர் போல இருந்தாலும், இதன் சுவை அபாரமானது. இரண்டு இட்லிகளுடன் ஒரு தட்டு சட்னியை சேர்த்து சாப்பிட்டால், அதன் சுவை பிரமாதமாக இருக்கும். இதை வீட்டிலேயே எப்படி செய்வது என்று பார்ப்போம்.

தேவையான பொருட்கள்:

வெங்காயம் – 1

பூண்டு – 6 பல்

வரமிளகாய் - 4

தக்காளி – 2

பெருங்காயத்தூள் – அரை ஸ்பூன்

உப்பு - 1 டேபிள்ஸ்பூன்

தண்ணீர் - தேவையான அளவு

நல்லெண்ணெய் – 2 டீஸ்பூன்

செய்முறை:

ஒரு மிக்ஸி ஜாரில் பூண்டு, வரமிளகாய், வெங்காயம் ஒன்று, இரண்டு தக்காளி பழங்கள் மற்றும் ஒரு டேபிள்ஸ்பூன் உப்பு சேர்த்து தண்ணீர் சேர்க்காமல் நன்றாக அரைத்து எடுத்துக் கொள்ளுங்கள். அடுத்து ஒரு கடாயில் நல்லெண்ணெய் சேர்த்து, கடுகு, வரமிளகாய், சோம்பு, கறிவேப்பிலை, பெருங்காயத்தூள் சேர்த்து தாளித்து அரைத்த விழுதை அதில் சேர்க்கவும்.

View this post on Instagram

A post shared by Yaz Recipes (@yazrecipes)

இப்போது ஒரு சொம்பு நிறைய தண்ணீர் சேர்த்து நன்கு கலக்கவும். நிறைய தண்ணீர் சேர்த்தாலும் இந்த சட்னி மிகவும் சுவையாக இருக்கும். இப்போது சட்னிக்கு தேவையான அளவு உப்பு சேர்த்து நன்கு கலந்து, லேசாக ஒரு கொதி வர விடுங்கள். சட்னி நன்கு கொதித்து வந்ததும் புளித்த தோசை மாவை அதில் சேர்க்கவும். இப்போது தள்ளுவண்டி கடைகளில் கிடைக்கும் கார சட்னி தயார்.