அரைச்சு விட்ட குழம்பு... இட்லி, தோசைக்கு அடிப்பொலி!

உங்கள் வீட்டில் இட்லி சாப்பிட மறுப்பவர்கள் கூட இந்த  அரைத்த குழம்பை ஒருமுறை சுவைத்துவிட்டால், மீண்டும் மீண்டும் கேட்டு வாங்கிச் சாப்பிடுவார்கள்! எவ்வளவு நேரம் வைத்திருந்தாலும் இந்தக் குழம்பு கெட்டுப் போகாது; மாறாக, அதன் சுவை இன்னும் கூடும். இந்தக் குழம்பை எப்படித் தயாரிப்பது என்று பார்ப்போமா?

தேவையான பொருட்கள்:

சின்ன வெங்காயம் - பாதி (சிறியது)

பூண்டு - 4-5 பற்கள் (நறுக்கியது)

மிளகு - சிறிதளவு

சீரகம் - சிறிதளவு

கறிவேப்பிலை - சிறிதளவு

தேங்காய் - கால் கப்

தக்காளி - 1 அல்லது 2 

மிளகாய்த்தூள் - தேவையான அளவு

மஞ்சள்தூள் - சிறிதளவு

மல்லித்தூள் - 1 தேக்கரண்டி

உப்பு - தேவையான அளவு

நல்லெண்ணெய் - தேவையான அளவு

செய்முறை:

ஒரு வாணலியில் சிறிதளவு எண்ணெய் விட்டு சூடாக்கவும். அதில் பாதி சின்ன வெங்காயம், நறுக்கிய பூண்டு, சிறிதளவு மிளகு, சீரகம், மற்றும் கறிவேப்பிலை சேர்த்து நன்கு வதக்கவும்.

அதே வாணலியில், தேங்காய் மற்றும் ஒரு தக்காளி சேர்த்து, தக்காளி மென்மையாகும் வரை வதக்கவும். இப்பொழுது மிளகாய்த்தூள், மஞ்சள்தூள், மற்றும் மல்லித்தூள் சேர்த்து, கூடவே தேவையான அளவு உப்பையும் சேர்த்து நன்கு கிளறி வதக்கவும். மசாலாக்களின் பச்சை வாசனை போகும் வரை வதக்க வேண்டும். வதக்கிய இந்த கலவையை ஆறவிட்டு, பின்னர் மிக்ஸியில் தேவையான அளவு தண்ணீர் சேர்த்து, மிருதுவான விழுதாக அரைத்துக் கொள்ளவும்.

View this post on Instagram

A post shared by Balameenalifestyle (@balameenalifestyle)

தாளிப்புக்கு ஒரு வாணலியில் சிறிதளவு எண்ணெய் ஊற்றி சூடாக்கவும். எண்ணெய் சூடானதும் கடுகு சேர்த்து வெடிக்க விடவும். பின்னர், பொடியாக நறுக்கிய சின்ன வெங்காயம் மற்றும் பூண்டு சேர்த்து பொன்னிறமாக வதக்கவும். நன்கு வதங்கியதும், நாம் அரைத்து வைத்துள்ள மசாலா விழுதைச் சேர்த்து, உங்களுக்குத் தேவையான பதம் வரும் வரை தண்ணீர் ஊற்றி நன்கு கலக்கவும். குழம்பு ஒரு கொதி வந்ததும் இறக்கினால் சுவையான அரைத்த குழம்பு ரெடி.