இட்லி, தோசைக்கு பெஸ்ட் காம்பினேஷன்... நம்ம ஊரு டிபன் சாம்பார்!

வித்தியாச வித்தியாசமாக பல டிபன் சாம்பார்கள் செய்தாலும் ஒருமுறை இந்த மாதிரி ஒரு சுவையான சாம்பார் தயார் செய்து சாப்பிட்டு பாருங்கள். இதனை செய்ய உங்களுக்கு குறைந்த நேரமே தேவைப்படும்.

தேவையான பொருட்கள்:

பாசிப்பருப்பு - 1/2 கப்

வெங்காயம் - 15 (சின்ன வெங்காயம்)

தக்காளி - 2

பச்சை மிளகாய் - 2

மஞ்சள் தூள் - 1/2 தேக்கரண்டி

சாம்பார் தூள் - 1 தேக்கரண்டி

உப்பு - தேவையான அளவு

எண்ணெய் - 2 தேக்கரண்டி

கடுகு - 1/2 தேக்கரண்டி

சீரகம் - 1/2 தேக்கரண்டி

காய்ந்த சிவப்பு மிளகாய் - 2

கறிவேப்பிலை - சிறிதளவு

பெருங்காயம் - 1/2 தேக்கரண்டி

கொத்தமல்லி இலைகள் – சிறிதளவு

செய்முறை:

ஒரு குக்கரில், பாசிபருப்பு, சின்ன வெங்காயம், தக்காளி, பச்சை மிளகாய், மஞ்சள் தூள், சாம்பார் தூள், உப்பு தேவையான அளவு தண்ணீர் சேர்த்து நன்றாக வேகவைத்து எடுத்துக்கொள்ளவும்.

4 விசில் வந்தவுடன், குக்கரை இறக்கி, ஆறியவுடன், பாசிப்பருப்பு கலவையை நன்றாக மசித்துவிட்டு, ஒரு கடாய் அடுப்பில் வைத்து அதில் எண்ணெய், கடுகு சீரகம், வரமிளகாய், கறிவேப்பிலை சேர்த்து தாளிக்கவும்.

View this post on Instagram

A post shared by Indhu's kitchen (@indhuskitchen1)

அதன்பிறகு இதில் மசித்து வைத்துள்ள பாசிப்பருப்பு கலவையை சேர்த்து கூடவே சிறிதளவு தண்ணீர் சேர்க்கவும். இந்த கலவை நன்றாக கொதித்து வந்தவுடன், பெருங்காயத்தூள் கொத்தமல்லி இலை சேர்த்து இறக்கினால் சுவையான இட்லி சாம்பார் ரெடி. ட்ரை பண்ணி பாருங்க.