படை வீரர்களுக்கு எனர்ஜி கொடுத்த பிரியாணி... கர்நாடகா பக்கம் ரொம்ப பேமஸ்!

கர்நாடக மாநிலத்தில் மிகவும் பிரசித்தி பெற்ற உணவு வகைகளில் ஒன்று தொன்னை பிரியாணி. இதன் தனித்துவமான சுவைக்கும், மணம் கமழும் வாசனைக்கும் ஏராளமான ரசிகர்கள் உண்டு. பொதுவாக தொன்னை பிரியாணி, மரக்கடலை ஓலைகளால் செய்யப்பட்ட கிண்ணங்களில் (தொன்னை) பரிமாறப்படுவதால் இந்த பெயரைப் பெற்றது. இந்த பிரியாணியை வீட்டிலேயே சுலபமாக தொன்னை பிரியாணி செய்வது எப்படி என்று பார்ப்போம்.

தேவையான பொருட்கள்:

சிக்கன் – 500 கிராம் (அளவுக்கு சிறிய துண்டுகள்)

தயிர் – 2 மேசை கரண்டி

மஞ்சள் தூள் – ¼ டீஸ்பூன்

உப்பு – தேவையான அளவு

பச்சை மசாலா விழுதுக்கு

புதினா இலை – 1 கப்

மல்லி இலை – 1½ கப்

பச்சை மிளகாய் – 4

இஞ்சி – 1 துண்டு ( அல்லது பேஸ்ட் பிரியாணி செய்யும் போது சேர்த்து கொள்ளலாம்)

பூண்டு – 8 பல்

சோம்பு – 1 டீஸ்பூன்

வர மல்லி- 1 தேக்கரண்டி

இலவங்கம் – 3

ஏலக்காய் – 2

பட்டை – 1 இஞ்சம்

தண்ணீர் – தேவையான அளவு (அரைக்க)

பிரியாணிக்கு

பாஸ்மதி அரிசி ( அல்லது) குருணை அரிசி – 1½ கப்

வெங்காயம் – 2 (நறுக்கி)

தக்காளி – 1 (நறுக்கி)

எண்ணெய் – 4 மேசை கரண்டி

நெய் – 1 மேசை கரண்டி

உப்பு – தேவையான அளவு

நீர் – 2¾ கப்

செய்முறை:

முதலில், சிக்கனை தயிர், மஞ்சள் தூள், உப்புடன் கலந்து 30 நிமிடங்கள் ஊற விடவும். மேலே குறிப்பிட்ட எல்லா பொருட்களையும் மிக்சியில் கொஞ்சம் தண்ணீர் சேர்த்து நன்கு அரைத்துக் கொள்ளவும்.  இன்னொரு முறை பொருட்கள் அனைத்தையும் ஒரு பேனில் எண்ணெய் சேர்த்து வதக்கி விட்டு அரைத்து கொள்ளலாம் . பாஸ்மதி அரிசியை 30 நிமிடங்கள் ஊறவைத்து, பின் வடிகட்டி வைத்துக்கொள்ளவும்.

ஒரு கனமான பானையில் எண்ணெய் மற்றும் நெய் ஊற்றி சூடானதும் வெங்காயத்தை வதக்கவும். வெங்காயம் நிறம் மாறியதும் இஞ்சி பூண்டு விழுது மற்றும் தக்காளி சேர்த்து மசிய வதக்கவும். பச்சை மசாலா விழுதை சேர்த்து நல்ல வாசனை வரும் வரை வதக்கவும்.

View this post on Instagram

A post shared by Revathi Gunasekaran (@revas__kitchen)

மெரினேட் செய்த சிக்கனை இப்போது சேர்த்து 10-15 நிமிடங்கள் வேகவைக்கவும்.
தேவையான உப்பு சேர்த்து கிளறவும். அரிசியை சேர்த்து சிறிது வதக்கி, பின் அளவுக்கு தண்ணீர் ஊற்றி (1:1¾ ratio) கொதிக்க விடவும். கொதித்ததும் தீயை மிதமாக்கி மூடி 15 நிமிடங்கள் வேகவைக்கவும். இப்போது தொன்னை பிரியாணி தயார். இதனை “Donne” இலை கிண்ணங்களில் பரிமாறினால் அசல் அனுபவம். மேலே மல்லி இலை தூவி, வெங்காய ராய்த்தா உடன் பரிமாறலாம்.