கிட்னி கல்? தடம் தெரியாமல் கரைக்கும் இந்த துவையல்!

கோவக்காய் கூட்டு, பொரியல், குழம்பு என பலவிதங்களில் சமைக்கலாம். ஆனால், சுவையான துவையல் செய்வது எப்படி என்று பார்ப்போம். சாதம், இட்லி, தோசை என எல்லா டிபன் வகைகளுக்கும் இது ஒரு அருமையான சைடு டிஷ். ஒருமுறை செய்து பாருங்கள், மீண்டும் மீண்டும் செய்வீர்கள்.

தேவையான பொருட்கள்

கோவக்காய் - 250 கிராம்

சின்ன வெங்காயம் - 100 கிராம்

பூண்டு - 5 பல்

காய்ந்த மிளகாய் - 4-5 (காரத்திற்கேற்ப)

புளி - ஒரு சிறிய நெல்லிக்காய் அளவு

கடலைப்பருப்பு - 1 டேபிள்ஸ்பூன்

உளுத்தம்பருப்பு - 1 டேபிள்ஸ்பூன்

நல்லெண்ணெய் - 2 டேபிள்ஸ்பூன்

கறிவேப்பிலை - ஒரு கொத்து

உப்பு - தேவையான அளவு

செய்முறை

முதலில் கோவக்காய், சின்ன வெங்காயம், பூண்டு ஆகியவற்றை நன்கு கழுவி சுத்தம் செய்து, பொடியாக நறுக்கிக்கொள்ளவும். ஒரு கடாயை அடுப்பில் வைத்து, நல்லெண்ணெய் ஊற்றி சூடானதும், கடலைப்பருப்பு மற்றும் உளுத்தம்பருப்பைச் சேர்த்து, பொன்னிறமாக வறுக்கவும். பிறகு, காய்ந்த மிளகாய் மற்றும் கறிவேப்பிலை சேர்த்து லேசாக வதக்கவும்.

இப்போது நறுக்கிய வெங்காயம், பூண்டு சேர்த்து, வெங்காயம் பொன்னிறமாகும் வரை வதக்கவும். அடுத்து நறுக்கிய கோவக்காய் மற்றும் புளியை சேர்த்து, கோவக்காயின் பச்சை வாசனை போகும் வரை நன்கு வதக்கவும்.

View this post on Instagram

A post shared by Sarathi T (@villagedairy88)

தேவையான அளவு உப்பு சேர்த்து, அடுப்பை அணைத்து, கலவை ஆறியதும், மிக்சியில் சேர்த்து, தண்ணீர் விடாமல் கெட்டியான பதத்தில் அரைக்கவும்.
கடாயில் சிறிது நல்லெண்ணெய் ஊற்றி, கடுகு, உளுத்தம்பருப்பு, கறிவேப்பிலை சேர்த்து தாளித்து, துவையலுடன் கலந்தால் சுவையான கோவக்காய் துவையல் தயார்.

இந்த கோவக்காய் துவையல், சூடான சாதத்துடன் நெய் சேர்த்து சாப்பிட அற்புதமாக இருக்கும். இட்லி, தோசை, சப்பாத்தி என பல உணவு வகைகளுக்கும் இது ஒரு சிறந்த காம்பினேஷன்.