புளி சேர்க்காமல் டேஸ்டி சாதம்... பேச்சுலர்சுக்கு பெஸ்ட்; டக்குன்னு ரெடி பண்ணலாம்!

லஞ்ச் பாக்ஸ்க்கு ஏற்ற லெமன் புளியோதரை எப்படி செய்வது என்பதை பார்ப்போமா?

தேவையான பொருட்கள்

வறுத்து அரைக்க:

வரமிளகாய் - 3

தனியா - 1 மேசைக்கரண்டி

மிளகு - 1/2 தேக்கரண்டி

சீரகம் - 1/2 தேக்கரண்டி

வெந்தயம் - 1/4 தேக்கரண்டி

தாளிக்க:

நல்லெண்ணெய் - 3 மேசைக்கரண்டி

கடலைப்பருப்பு - 1 மேசைக்கரண்டி

உளுத்தம் பருப்பு - 1 தேக்கரண்டி

வேர்க்கடலை - 3 மேசைக்கரண்டி

வரமிளகாய் - 1

கறிவேப்பிலை - 1 கொத்து

பெருங்காயத்தூள் - 1/4 தேக்கரண்டி

மஞ்சள் தூள் - 1/2 தேக்கரண்டி

எலுமிச்சை சாறு - 2  

உப்பு - தேவையான அளவு

செய்முறை:

முதலில், ஒரு வாணலியில் வரமிளகாய், தனியா, மிளகு, சீரகம், மற்றும் வெந்தயம் ஆகியவற்றை நன்கு வறுத்து எடுக்கவும். ஆறிய பிறகு, இவற்றை மிக்ஸியில் சேர்த்து மென்மையாகப் பொடித்து வைத்துக் கொள்ளவும். இதுவே நமது சிறப்பு மசாலாப் பொடி.

அடுத்து, ஒரு பெரிய பாத்திரத்தில் அல்லது வாணலியில் நல்லெண்ணெய் விட்டு சூடாக்கவும். எண்ணெய் சூடானதும், உளுத்தம் பருப்பு, கடலைப்பருப்பு, வேர்க்கடலை, வரமிளகாய், கறிவேப்பிலை, பெருங்காயத்தூள், மற்றும் மஞ்சள்தூள் சேர்த்து நன்கு வதக்கவும்.

View this post on Instagram

A post shared by Aarthi Vivekanandan (@yummytummyaarthi)

இப்பொழுது, சமைத்து வைத்துள்ள சாதம் மற்றும் தேவையான அளவு உப்பு சேர்த்து, இந்தக் கலவையுடன் நன்கு கலந்துவிடவும். கலந்த பிறகு, அடுப்பை அணைத்துவிட்டு, எலுமிச்சை சாறு மற்றும் நாம் ஏற்கனவே பொடித்து வைத்துள்ள மசாலாப் பொடியையும் சேர்த்து நன்கு கலக்கவும். இப்போது உங்கள் சுவையான எலுமிச்சை சாதம் தயார்.