குழந்தைகள் டூ பெரியவர்கள் வரை... அனைவரும் பிடித்தமான லஞ்ச்!

குழந்தைகளுக்கு லஞ்ச்பாக்ஸில் சமைத்துக் கொடுக்கும் உணவு எளிமையாகவும், அதே நேரத்தில் அவர்களுக்கும் மிகவும் பிடித்தமானதாகவும் இருக்க வேண்டும் என்று யோசிப்பவர்களுக்கு, இந்த முட்டை சாதம் ஒரு அருமையான தேர்வு. இதை சமைப்பது மிகவும் சுலபம், மேலும் குழந்தைகள் இதை விரும்பி சாப்பிடுவார்கள்.

தேவையான பொருட்கள்:

நறுக்கிய பூண்டு

நறுக்கிய பச்சை மிளகாய்

நறுக்கிய வெங்காயம் - 1

நறுக்கிய தக்காளி - 1

உப்பு - தேவையான அளவு

மஞ்சள் தூள் - கால் டேபிள்ஸ்பூன்

மிளகாய் தூள் - அரை டேபிள்ஸ்பூன்

மல்லி தூள் - ஒரு டேபிள்ஸ்பூன்

முட்டை - 3

சாதம் - தேவையான அளவு (வடித்தது, ஆற வைத்தது)

கொத்தமல்லி தழை - சிறிது

மிளகு சீரகத்தூள் - அரை டேபிள்ஸ்பூன்

செய்முறை:

முதலில், ஒரு கடாயில் எண்ணெய் விட்டு, நறுக்கிய பூண்டு, பச்சை மிளகாய், வெங்காயம் ஆகியவற்றை சேர்த்து நன்கு வதக்கவும். வெங்காயம் பொன்னிறமானதும், தக்காளி, தேவையான அளவு உப்பு, கால் டேபிள்ஸ்பூன் மஞ்சள் தூள், அரை டேபிள்ஸ்பூன் மிளகாய் தூள், ஒரு டேபிள்ஸ்பூன் மல்லி தூள் சேர்த்து தக்காளி குழைந்து வரும் வரை நன்கு வதக்கவும்.

மசாலா கலவை நன்கு வதங்கியதும், நடுவில் சிறிதளவு இடத்தை ஏற்படுத்தி, அதில் மூன்று முட்டைகளை உடைத்து ஊற்றவும். முட்டைகளை உடைத்து ஊற்றியதும், மசாலாவுடன் சேர்த்து நன்கு ஸ்க்ராம்பிள் (கலக்கி) செய்யவும். முட்டை நன்கு உதிரியாக வரும் வரை வதக்கவும்.

View this post on Instagram

A post shared by Vaishalibalachandar (@mom_of_boysvaishu)

இப்போது, பொடியாக நறுக்கிய கொத்தமல்லி தழை மற்றும் ஆற வைத்த சாதத்தை சேர்த்து நன்கு கலக்கவும். கடைசியாக, அரை டேபிள்ஸ்பூன் மிளகு சீரகத்தூளை சேர்த்து, குறைந்த தீயில் வைத்து அனைத்து பொருட்களும் ஒன்று சேரும் வரை நன்கு கிளறி இறக்கவும். அவ்வளவுதான்! ஒரு சுவையான மற்றும் எளிமையான முட்டை சாதம் தயார். இந்த ரெசிபியை ஒருமுறை முயற்சி செய்து பாருங்கள்!