மினி போண்டா... குழந்தைகள் விரும்பி சாப்பிடுவாங்க; ஈஸி டிப்ஸ்

மழைக்கால மாலை வேளையில், சூடான காபியுடன் கடிப்பதை விட வேறு என்ன நன்றாக இருக்க முடியும்? சுவையான மற்றும் மொறுமொறுப்பான மினி மங்களூர் போண்டாக்கள் செய்து சாப்பிடுவதற்கு அருமையாக இருக்கும். இந்த போண்டாவை வீட்டிலேயே எளிமையான முறையில் எப்படி செய்வது என்று பார்ப்போம்.

தேவையான பொருட்கள்:

மைதா மாவு - 1 கப்

கடலை மாவு - 1/2 கப்

அரிசி மாவு - 3 தேக்கரண்டி

தயிர் - 1 தேக்கரண்டி

சீரகம் - 1/4 தேக்கரண்டி

உப்பு - தேவையான அளவு

சமையல் சோடா - 1/4 தேக்கரண்டி

வெங்காயம் - 1 (நறுக்கியது)

பச்சை மிளகாய் - 1 (நறுக்கியது)

கொத்தமல்லி மற்றும் கறிவேப்பிலை - சிறிதளவு (நறுக்கியது)

செய்முறை:

முதலில், ஒரு பெரிய பாத்திரத்தில் மைதா மாவு, கடலை மாவு, அரிசி மாவு, சீரகம், தயிர் மற்றும் உப்பு சேர்த்து நன்கு கலக்கவும். பின்னர், சிறிது சிறிதாகத் தண்ணீர் சேர்த்து, போண்டா மாவு பதத்திற்கு கெட்டியாகப் பிசைந்து கொள்ளவும். மாவு மிகவும் நீர்த்துப் போகாமல் இருக்க கவனமாக இருக்கவும். பிசைந்த மாவுடன், நறுக்கிய வெங்காயம், பச்சை மிளகாய், கொத்தமல்லி, கறிவேப்பிலை மற்றும் சமையல் சோடா சேர்த்து நன்றாகக் கலக்கவும்.

View this post on Instagram

A post shared by Subhaamma Vlogs (@subhaammavlogs)

ஒரு கடாயில் எண்ணெயை சூடாக்கவும். எண்ணெய் காய்ந்ததும், சிறிதளவு மாவை எடுத்து சிறிய உருண்டைகளாகப் போட்டு பொரித்தெடுக்கவும். பொன்னிறமாக மாறும் வரை போண்டாக்களைப் பொரித்து, எண்ணெயை வடிகட்டி எடுக்கவும். இப்போது, சூடான மினி மங்களூர் போண்டாக்கள் தயார்! இதை தேங்காய் சட்னி அல்லது சாம்பாருடன் சேர்த்துப் பரிமாறலாம்.