ஆண்களின் வரப்பிரசாதம்... முருங்கைக்காய் வச்சு சூடான பிரியாணி; இந்த வீக் எண்ட்டில் இத ட்ரை பண்ணுங்க!

எத்தனை விதமான பிரியாணிகளை நீங்கள் சுவைத்திருப்பீர்கள்! ஆனால்,  இந்த முருங்கைக்காய் பிரியாணியை ஒருமுறை செய்து பாருங்கள். இதன் சுவை உங்களை நிச்சயம் அசத்தும்.

தேவையான பொருட்கள்:

நறுக்கிய முருங்கைக்காய்

100 கிராம் தயிர்

சிறிதளவு மஞ்சள் தூள்

1 ஸ்பூன் தனி மிளகாய் தூள்

1/2 ஸ்பூன் உப்பு

அரை எலுமிச்சை பழம்

தேவையான அளவு எண்ணெய்

1 ஸ்பூன் நெய்

பிரியாணி மசாலாப் பொருட்கள் (பட்டை, லவங்கம், ஏலக்காய்)

சிறிதளவு சோம்பு

2 பெரிய வெங்காயம் (நறுக்கியது)

1 ஸ்பூன் இஞ்சி பூண்டு விழுது

2 தக்காளி (நறுக்கியது)

ஒரு கைப்பிடி புதினா

ஒரு கைப்பிடி கொத்தமல்லி

2 பச்சை மிளகாய்

தேங்காய் பால் (அரிசிக்கு ஒன்றரை மடங்கு)

ஊறவைத்த அரிசி

செய்முறை:

ஒரு பாத்திரத்தில் நறுக்கிய முருங்கைக்காய், நூறு கிராம் தயிர், சிறிதளவு மஞ்சள் தூள், ஒரு ஸ்பூன் தனி மிளகாய் தூள், அரை ஸ்பூன் உப்பு சேர்த்து, அரை எலுமிச்சை பழத்தைப் பிழிந்து நன்கு கலக்கவும். இதை அரை மணி நேரம் ஊற விடவும்.

அடுப்பில் ஒரு குக்கரை வைத்து, தேவையான அளவு எண்ணெய் ஊற்றி, ஒரு ஸ்பூன் நெய் சேர்க்கவும். எண்ணெய் சூடானதும், பிரியாணி மசாலாப் பொருட்கள் (பட்டை, லவங்கம், ஏலக்காய்) மற்றும் சிறிதளவு சோம்பு சேர்த்து தாளிக்கவும்.

இத்துடன் நறுக்கிய இரண்டு பெரிய வெங்காயத்தைச் சேர்த்து பொன்னிறமாக வதக்கவும். ஒரு ஸ்பூன் இஞ்சி பூண்டு விழுது சேர்த்து நன்கு வதக்கவும். நறுக்கிய இரண்டு தக்காளியையும் அரை ஸ்பூன் உப்பையும் சேர்த்து, தக்காளி குழையும் வரை வதக்கவும்.

View this post on Instagram

A post shared by Arputha’s_kitchen (@arputhas_kitchen)

ஒரு கைப்பிடி நிறைய புதினா, கொத்தமல்லி மற்றும் இரண்டு பச்சை மிளகாய் சேர்த்து நன்கு வதங்க விடவும். ஊறவைத்த முருங்கைக்காயைச் சேர்த்து நன்கு வதக்கி, அரை எலுமிச்சை பழத்தைப் பிழியவும். அரிசிக்கு ஒன்றரை மடங்கு என்ற அளவில் தேங்காய் பால் சேர்த்து, நன்கு கொதிக்க விடவும்.

நன்கு கழுவி ஊறவைத்த அரிசியைச் சேர்த்து, குக்கரை மூடி மூன்று விசில் வரும் வரை வேக வைத்து எடுக்கவும். சுடச்சுட இந்த முருங்கைக்காய் பிரியாணியுடன் முட்டை மற்றும் ரய்த்தா சேர்த்து பரிமாறவும். இதன் சுவை அவ்வளவு அருமையாக இருக்கும்!