கிராமத்து ஸ்டைலில் பெப்பர் காளான்... சாதம், சப்பாத்திக்கு செம்ம காம்பினேஷன்!

சாதத்திற்கும், சப்பாத்திக்கும் ஏற்ற கிராமத்து சுவையில் காளான் மிளகு வறுவல் செய்வது எப்படி என்று பார்க்கலாம்.

சாதத்திற்கும், சப்பாத்திக்கும் ஏற்ற கிராமத்து சுவையில் காளான் மிளகு வறுவல் செய்வது எப்படி என்று பார்க்கலாம்.

author-image
WebDesk
New Update
mushroom

சாதத்திற்கும், சப்பாத்திக்கும் ஏற்ற கிராமத்து சுவையில் காளான் மிளகு வறுவல் செய்வது எப்படி என்று பார்க்கலாம்.

தேவையான பொருட்கள்:

காளான் - 200 கிராம்

பெரிய வெங்காயம் - 2 (பொடியாக நறுக்கியது)

சின்ன வெங்காயம் - 20 (உரித்தது)

கறிவேப்பிலை - 2 கொத்து

இஞ்சி பூண்டு விழுது - 2 டீஸ்பூன்

தக்காளி - 2 (நறுக்கியது)

மஞ்சள் தூள் - 1/2 டீஸ்பூன்

மிளகாய் தூள் - 1 டீஸ்பூன்

தனியா தூள் - 1 டீஸ்பூன்

சோம்பு - 1 டீஸ்பூன்

மிளகு - 2 டீஸ்பூன்

நல்லெண்ணெய் - 3 டேபிள்ஸ்பூன்

உப்பு - தேவையான அளவு

தண்ணீர் - 1 டம்ளர்

செய்முறை:

Advertisment

முதலில், ஒரு இரும்பு கடாயை அடுப்பில் வைத்து சூடாக்கவும். கடாய் சூடானதும், மூன்று டேபிள்ஸ்பூன் நல்லெண்ணெய் சேர்த்து, நறுக்கிய இரண்டு பெரிய வெங்காயத்தைச் சேர்த்து நன்கு வதக்கவும். வெங்காயம் சற்று வதங்கியதும், உரித்து வைத்துள்ள 20 சின்ன வெங்காயத்தையும் அதனுடன் சேர்க்கவும்.

பிறகு, இரண்டு கொத்து கறிவேப்பிலை மற்றும் இரண்டு டீஸ்பூன் இஞ்சி பூண்டு விழுது சேர்த்து, பச்சை வாசனை போகும் வரை நன்கு வதக்கவும். இஞ்சி பூண்டு விழுது வதங்கியதும், நறுக்கிய இரண்டு தக்காளி பழத்தைச் சேர்த்து, நன்கு குழைவாக வதக்கிக்கொள்ளவும். வெங்காயம், தக்காளி, இஞ்சி பூண்டு விழுது அனைத்தும் நன்கு சுருண்டு வதங்கியதும், அடுப்பை சிம்மில் வைக்கவும்.

Advertisment
Advertisements

அரை டீஸ்பூன் மஞ்சள் தூள், ஒரு டீஸ்பூன் மிளகாய் தூள், ஒரு டீஸ்பூன் தனியா தூள் மற்றும் தேவையான அளவு உப்பு சேர்த்து, மசாலா வாசனை போகும் வரை நன்கு வதக்கவும். ஒரு டம்ளர் தண்ணீர் சேர்த்து, நன்கு கலந்து விடவும். தண்ணீர் கொதித்து, மசாலாவின் பச்சை வாசனை போனதும், சுத்தம் செய்து வைத்துள்ள காளானைச் சேர்த்து, நன்கு கலந்து விடவும். கடாயை மூடி போட்டு, ஐந்து நிமிடம் மிதமான தீயில் கொதிக்க விடவும்.

இந்த நேரத்தில், மிளகு வறுவலுக்குத் தேவையான மசாலாவைத் தயார் செய்யலாம். அதற்கு, ஒரு டீஸ்பூன் சோம்பு மற்றும் இரண்டு டீஸ்பூன் மிளகை அம்மியில் வைத்து, நன்கு பொடி செய்து கொள்ளவும். காளான் வெந்ததும், மிளகு மசாலாவை காளான் கிரேவியின் மேல் தூவி, நன்கு கலந்து விடவும். ஒரு நிமிடம் கொதிக்க விட்டு, எண்ணெய் பிரிந்து வந்ததும் அடுப்பை அணைக்கவும். இப்போது, சுவையான கிராமத்து காளான் மிளகு வறுவல் சாதம் மற்றும் சப்பாத்தியுடன் சுவைக்கத் தயார்!

Tamil Food Recipe

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us: