சிக்கன், மட்டனுக்கு பதில் காலிபிளவர் கார கறி... சப்பாத்தி, சாதத்துக்கு தரமா இருக்கும்: செஃப் தீனா ரெசிபி

மாறி வரும் உணவு பழக்க வழக்கத்தில் பலரும் அசைவ உணவு பிரியர்களாக மாறிவிட்டாலும் சைவம் சாப்பிடும் பலரும் அசைவ உணவு ஸ்டைலில் காலிஃபிளவர் வைத்து பல உணவுகளை செய்வார்கள். அந்த வகையில், காலிஃபிளவர் வைத்து ஒரு காரக்கறி எப்படி செய்வது என்று பார்ப்போமா?

தேவையான பொருட்கள்:

காலிஃபிளவர் – அரைகிலோ

வெங்காயம் – கால் கிலோ

தக்காளி – கால் கிலோ

பிரியாணி இலை – 2

ஏலக்காய் – 2

கிராம்பு – 10

சோம்பு – 2 டீஸ்பூன்

பச்சை மிளகாய் – 5

தாளிப்புக்கு

கடலை எண்ணெய் தேவையான அளவு

பிரியாணி இலை 2

பட்டை – சிறிதளவு

கிராம்பு -4

மஞ்சள் தூள் – 2 டீஸ்பூன்

மிளகாய் தூள் 2 டீஸ்பூன்

மல்லித்தூள் 3 டீஸ்பூன்

பூண்டு பேஸ்ட் 3 டீஸ்பூன்

கொத்தமல்லி இலை தேவையான அளவு

உப்பு தேவையான அளவு

கறிவேப்பிலை – தேவையான அளவு

செய்முறை:

முதலில் ஒரு கடாய் அடுப்பில் வைத்து எண்ணெய், சீரகம், பிரியாணி இலை, கிராம்பு, ஏலக்காய், பச்சை மிளகாய் ஆகியவற்றை ஒற்றாக சேர்த்து வதக்கவும்.  அதன்பிறகு இதில் நறுக்கிய தக்காளி, வெங்காயம் சேர்த்து, வதக்கவும்.

இந்த கலவையை தனியாக எடுத்து வைத்து, மிக்ஸியில் போட்டு நன்றாக அரைத்து எடுத்துக்கொள்ளவும். அடுத்து ஒரு கடாயில் எண்ணெய் விட்டு, பிரியாணி இலை, சோம்பு, ஏலக்காய், சேர்த்து தாளிக்கவும்.

அடுத்து வெங்காயம் தக்காளி, இஞ்சி, பூண்டு பேஸ்ட், சேர்த்து தேவையான அளவு உப்பு சேர்த்து பச்சை மிளகாய் சேர்த்து நன்றாக வதக்கவும். அடுத்து இதில் மஞ்சள் தூள், மிளகாய் தாள், மல்லித்தூள் சேர்க்கவும். 

அடுத்து அரைத்து வைத்துள்ள மசாலாவை இதனுடன் சேர்த்து நன்றாக கிளரவும். இந்த கலவை கொதித்தவுடன் நறுக்கி வைத்துள்ள காலிஃபிளவரை சேர்த்து வதக்கவும்.இறுதியாக கொத்தமல்லி இலை சேர்த்து இறக்கினால் சுவைனாய காலி.பிளவர் கார கறி ரெடி.