ஒரு சொட்டு எண்ணெய் கூட வேணாம்... சாஃப்ட் ஏற்ற டேஸ்டி குருமா!

சமையலில் எண்ணெய் சேர்க்காமல் உணவு சமைப்பது சாத்தியமா என்று பலர் யோசிப்பதுண்டு. ஆனால், ஆரோக்கியத்திற்கும், சுவைக்கும் எந்தவித சமரசமும் செய்யாமல், எண்ணெய் சேர்க்காமல் அற்புதமான உணவுகளை தயாரிக்க முடியும். அப்படி ஒரு ரெசிபிதான், இந்த ஜீரோ-ஆயில் பனீர் பட்டர் மலாய். மென்மையான, கிரீமியான மற்றும் மிதமான சுவை கொண்ட குழம்புகளை நீங்கள் விரும்பினால், இந்த ரெசிபியை நிச்சயம் முயற்சித்துப் பாருங்கள்.

தேவையான பொருட்கள்:

பெரிய வெங்காயம் - 1

பச்சை மிளகாய் - 3-4

இஞ்சி - 1 துண்டு

பூண்டு - 3 பல்

கசகசா - 1 தேக்கரண்டி

முந்திரி - 6-8 (ஊறவைத்தது)

காய்ச்சிய பால் - 1 கப்

உப்பு - தேவையான அளவு

பச்சை பட்டாணி - 1 கப்

பனீர் - 1 கப்

கஸ்தூரி மேத்தி - 1 தேக்கரண்டி

செய்முறை:

முதலில், மிக்சியில் நறுக்கிய வெங்காயம், பச்சை மிளகாய், இஞ்சி, பூண்டு, பட்டை, கிராம்பு, ஊறவைத்த கசகசா மற்றும் ஊறவைத்த முந்திரிகளை சேர்த்து, மென்மையான பேஸ்டாக அரைத்துக் கொள்ளவும். அரைத்த பேஸ்டை சூடான கடாயில் ஊற்றி, சிறிதளவு தண்ணீர் மற்றும் காய்ச்சிய பாலை சேர்க்கவும்.

அனைத்தையும் நன்றாக கலந்து, தேவையான அளவு உப்பு சேர்க்கவும். இப்போது, பச்சை பட்டாணி மற்றும் பனீர் துண்டுகளை சேர்த்து, வெங்காயம், இஞ்சி மற்றும் பூண்டின் பச்சை வாசனை நீங்கும் வரை வேகவிடவும்.

கடைசியாக, கசூரி மேத்தியை உங்கள் உள்ளங்கைகளுக்கு இடையில் வைத்து நசுக்கி, குழம்பின் மேல் தூவவும். இந்த சுவையான பனீர் மட்டர் மலாயை சூடாக சப்பாத்தி, ஃபுல்கா அல்லது சாதத்துடன் சாப்பிடலாம்.