புளியே வேணாம்... வெறும் இந்தப் பொடி போதும்; டேஸ்டி சாதம் ரெடி!

வேலைக்கு போற காலத்தில், சீக்கிரமா சமைக்க வேண்டும் என்றால் இந்த புளியோதரை மிக்ஸ் தயார் பண்ணி வச்சிக்கோங்க. இந்த பொடியை சாதத்தோட கலந்தா போதும், சுவையான புளி சாதம் டக்குனு ரெடி ஆகிடும். அதை எப்படி செய்யறதுன்னு பார்க்கலாம்.

தேவையான பொருட்கள்

50 கிராம் கடலை பருப்பு

25 கிராம் உளுத்தம் பருப்பு

2 ஸ்பூன் தனியா

1 ஸ்பூன் சீரகம்

1.5 ஸ்பூன் வெந்தயம்

1.5 ஸ்பூன் மிளகு

1.5 ஸ்பூன் கடுகு

1 ஸ்பூன் கருப்பு எள்

புளி

காய்ந்த மிளகாய்

வெல்லம்

நல்லெண்ணெய்

வேர்க்கடலை

முந்திரி

செய்முறை

ஒரு வாணலியில், 50 கிராம் கடலை பருப்பு மற்றும் 25 கிராம் உளுத்தம் பருப்பு சேர்த்து லேசாக வறுத்துக்கொள்ளவும். அதனுடன் 2 ஸ்பூன் தனியா, 1 ஸ்பூன் சீரகம், 1.5 ஸ்பூன் வெந்தயம், 1.5 ஸ்பூன் மிளகு, 1.5 ஸ்பூன் கடுகு, மற்றும் 1 ஸ்பூன் கருப்பு எள் சேர்த்து நன்கு வறுத்து தனியாக எடுத்து வைக்கவும்.

முதலில், ஒரு மிக்ஸி ஜாரில் புளி மற்றும் காய்ந்த மிளகாய் சேர்த்து அரைத்துக்கொள்ளவும். பிறகு, வறுத்து வைத்துள்ள பருப்பு கலவையை சேர்த்து நைசாக அரைக்கவும். கடைசியாக, சிறிது வெல்லம் சேர்த்து அரைத்து இந்த பொடியை சேமித்து வைக்கலாம்.

View this post on Instagram

A post shared by Subhaamma Vlogs (@subhaammavlogs)

ஒரு கடாயில் நல்லெண்ணெய் ஊற்றி, கடுகு, கடலை பருப்பு, உளுந்து, காய்ந்த மிளகாய், கறிவேப்பிலை, வேர்க்கடலை மற்றும் முந்திரி சேர்த்து தாளிக்கவும். தாளித்ததும், அரைத்து வைத்துள்ள புளியோதரை பொடியை தேவையான அளவு சேர்த்து, ஒரு கப் சாதத்துடன் கிளறவும். இப்போது, சுவையான புளி சாதம் தயார்!