வெங்காயம், தக்காளி, தேங்காய் எதுவுமே இல்லையா? டேஸ்டி சட்னிக்கு இது ஒண்ணு போதும்!

வெங்காயம், தக்காளி, தேங்காய் என எதுவும் இல்லாமல், வெறும் பொட்டுக்கடலையைக் கொண்டு ஒரு அற்புதமான சட்னியை எப்படித் தயார் செய்வது என்று பார்ப்போம். வீட்டில் வேறு எதுவும் இல்லை என்ற கவலை வேண்டாம், இந்தச் சட்னி நிச்சயம் உங்களுக்குப் பயனுள்ளதாக இருக்கும்.

தேவையான பொருட்கள்:

எண்ணெய் - 1 டீஸ்பூன்

பூண்டு - 5-6 பல்

காஷ்மீரி மிளகாய் - 3 (அல்லது 2 வரமிளகாய்)

பொட்டுக்கடலை - 1 கப்

தண்ணீர் - தேவையான அளவு

உப்பு - தேவையான அளவு

தாளிப்பதற்குத் தேவையானவை:

எண்ணெய் - 1 டேபிள்ஸ்பூன்

கடுகு - 1/2 டீஸ்பூன்

உளுந்து - 1/2 டீஸ்பூன்

கறிவேப்பிலை - 2 கொத்து

வரமிளகாய் - 1 (கிள்ளியது)

பெருங்காயத்தூள் - 1/2 டீஸ்பூன்

செய்முறை:

முதலில் ஒரு கடாயில் ஒரு டீஸ்பூன் எண்ணெய் சேர்த்துச் சூடாக்கவும். எண்ணெய் சூடானதும், அதில் பூண்டு, காஷ்மீரி மிளகாய், மற்றும் ஒரு வரமிளகாய் சேர்த்து நன்கு வதக்கவும். அடுத்து, ஒரு கப் பொட்டுக்கடலை சேர்த்து, பொன்னிறமாக வதக்கி ஆற விடவும். வதக்கிய பொருட்களை மிக்சர் ஜாரில் சேர்த்து, தேவையான அளவு தண்ணீர் விட்டு, மைய அரைத்து எடுக்கவும். அரைத்த சட்னியுடன், ஒரு டம்ளர் தண்ணீர் மற்றும் தேவையான அளவு உப்பு சேர்த்து நன்கு கிளறவும்.

View this post on Instagram

A post shared by Vanitha Radhakrishnan (@vanithasfoodworld)

தாளிப்பு கடாயில் ஒரு டேபிள்ஸ்பூன் எண்ணெய் விட்டுச் சூடாக்கவும். எண்ணெய் சூடானதும், கடுகு சேர்த்துப் பொரிய விடவும். கடுகு நன்கு பொரிந்ததும், அரை டீஸ்பூன் உளுந்து, 2 கொத்து கறிவேப்பிலை, கிள்ளிய ஒரு வரமிளகாய், மற்றும் அரை டீஸ்பூன் பெருங்காயத்தூள் சேர்த்துத் தாளிக்கவும். இந்தத் தாளிப்பை அரைத்து வைத்துள்ள சட்னியுடன் சேர்த்து நன்கு கலக்கவும். இப்போது சுவையான பொட்டுக்கடலை சட்னி தயார்!

இதை இட்லி, தோசை போன்றவற்றுடன் சேர்த்துச் சாப்பிட்டால், நிச்சயம் தொட்டுச் சாப்பிட மாட்டீர்கள், அப்படியே பரட்டிக்கொண்டு சாப்பிடுவீர்கள்.