தேங்காய், வெங்காயம் வேணாம்... டேஸ்டி சட்னி ரெடி!

இந்த சட்னி இட்லி, தோசைக்கு ஒரு சிறந்த துணை. வெங்காயம், தக்காளி, தேங்காய் என எதுவும் சேர்க்காமல், மிக விரைவாக இந்தச் சட்னியைத் தயார் செய்யலாம்.

தேவையான பொருட்கள்:

எண்ணெய் - 1 தேக்கரண்டி

பூண்டு - 2-3 பற்கள்

காய்ந்த மிளகாய் - 5-6

பொட்டுக்கடலை - ½ கப்

சின்ன துண்டு புளி

உப்பு - தேவையான அளவு

தண்ணீர் - தேவையான அளவு (அரைப்பதற்கு)

தாளிப்பதற்கு:

எண்ணெய் - 2 தேக்கரண்டி

கடுகு - ½ தேக்கரண்டி

காய்ந்த மிளகாய் - 2

பெருங்காயத்தூள் - ½ தேக்கரண்டி

கறிவேப்பிலை - சிறிதளவு

செய்முறை:

ஒரு வாணலியில் 1 தேக்கரண்டி எண்ணெய் விட்டு, பூண்டு, காய்ந்த மிளகாய், பொட்டுக்கடலை, புளி ஆகியவற்றை லேசாக வதக்கவும். வதக்கிய பொருட்களை ஆற வைத்து, ஒரு மிக்ஸியில் போடவும்.

அத்துடன் தேவையான அளவு உப்பு மற்றும் தண்ணீர் சேர்த்து, நைசாக அரைத்து ஒரு பாத்திரத்தில் மாற்றவும். தாளிப்பதற்கு, ஒரு சிறிய வாணலியில் எண்ணெய் ஊற்றி, கடுகு, காய்ந்த மிளகாய், பெருங்காயத்தூள் மற்றும் கறிவேப்பிலை சேர்த்துத் தாளிக்கவும்.

View this post on Instagram

A post shared by Kayus Kitchen (@kayus_kitchen)

தாளித்த கலவையை அரைத்து வைத்துள்ள சட்னியில் சேர்த்து நன்றாகக் கலக்கவும். அவ்வளவுதான்! வெங்காயம், தக்காளி, தேங்காய் இல்லாத இந்தச் சுவையான பொட்டுக்கடலை சட்னி தயார். இதை இட்லி, தோசையுடன் பரிமாறலாம்.