குழந்தைகள் ரசித்து சாப்பிடுவாங்க: செஃப் வெங்கடேஷ் பட் டிப்ஸ்

வெண்டைக்காயை வதக்கி செய்யப்படும் ஒரு சுவையான, எளிமையான பொரியல் வகை வெண்டைக்காய் வேபுடு பொரியல். இதை சாதம், சாம்பார், ரசம் போன்றவற்றுடன் சேர்த்து சாப்பிடலாம். வெண்டைக்காய் வழுவழுப்பு இல்லாமல் மொறுமொறுப்பாக செய்யலாமா?

தேவையான பொருட்கள்:

வெண்டைக்காய்: 250 - 300 கிராம்

எண்ணெய்: 2-3 தேக்கரண்டி

கடுகு: 1/2 தேக்கரண்டி

உளுத்தம் பருப்பு: 1/2 தேக்கரண்டி

கறிவேப்பிலை: ஒரு கொத்து

வெங்காயம்: 1 பெரியது

பூண்டு: 2-3 பல்

காய்ந்த மிளகாய்: 1-2

மஞ்சள் தூள்: 1/4 தேக்கரண்டி

மிளகாய் தூள்: 1/2 - 1 தேக்கரண்டி

உப்பு: தேவையான அளவு

நிலக்கடலை பொடி

செய்முறை:

வெண்டைக்காயை நன்று கழுவி விட்டு பொடியாக நறுக்கி எடுத்துக்கொள்ளவும். அடுத்து நிலக்கடலையை நன்றாக வறுத்து பொடி செய்து தனியாக எடுத்து வைத்துக்கொள்ளவும்.

அடுப்பில் ஒரு கடாய் வைத்து, கடலை எண்ணெய் சேர்த்து கடுகு உளுத்தம்பருப்பு, காய்ந்த மிளகாய் சேர்த்து தாளிக்கவும். அடுத்து கறிவேப்பிலை சேர்க்கவும்.

View this post on Instagram

A post shared by Ranjitha D (@ranjadiary)

அடுத்து நறுக்கிய பச்சை மிளகாய், வெங்காயம் சேர்த்து வதக்கவும். அடுத்து நறுக்கிய பூண்டை சேர்க்கவும். பூண்டு பச்சை வாசனை போனவுடன், அடுத்து வெண்டைக்காய் சேர்த்து வதக்கவும்.

10 நிமிடங்க்ள வதங்கியதும், உப்பு, மஞ்சள் தூள், மிளகாய் தூள், கொத்தமல்லி இலை சேர்த்து வதக்கியதும், இறுதியாக அரைத்து வைத்மதுள்ள நிலக்கடலை பவுடரை சேர்த்து இறக்கினால், வெண்டைக்காய் வேபுடு பொரியல் ரெடி.