கிருஷ்ணருக்கு பிடித்த ரெசிபி: இப்படி செஞ்சா செம்ம டேஸ்டி!

கிருஷ்ணருக்கு மிகவும் பிடித்தது அவல். அதை வைத்து சுவையான அவல் பாயசம் செய்வது எப்படி என்று பார்ப்போம்.

தேவையான பொருட்கள்:

அவல் - 1 கப்

வெல்லம் - 1/2 கப்

பால் - 2 கப்

சவ்வரிசி - 1/2 கப்

ஏலக்காய் தூள் - 1/2 டீஸ்பூன்

முந்திரி, பாதாம், உலர் திராட்சை - தேவையான அளவு

நெய் - 1 டேபிள்ஸ்பூன்

செய்முறை:

முதலில், ஒரு பாத்திரத்தில் தண்ணீர் ஊற்றி, சவ்வரிசியை வேக வைக்கவும். அது கண்ணாடி போல வெந்ததும் தனியாக எடுத்து வைக்கவும். அடுத்து, ஒரு கடாயில் ஒரு ஸ்பூன் நெய் ஊற்றி, அவலை லேசாக வறுத்து தனியாக எடுத்து வைக்கவும்.

அதே கடாயில், நெய் சேர்த்து முந்திரி, பாதாம் மற்றும் உலர் திராட்சையை பொன்னிறமாக வறுத்து எடுத்துக்கொள்ளவும். பிறகு, அதே கடாயில் பாலை ஊற்றி கொதிக்க விடவும். பால் நன்கு கொதித்ததும், வறுத்து வைத்த அவலை அதில் சேர்க்கவும்.

அவல் பாலில் நன்கு வெந்ததும், வேக வைத்த சவ்வரிசியை அதனுடன் சேர்க்கவும். அதன்பின், வெல்லத்தை சிறிது தண்ணீர் சேர்த்து பாகு போல காய்ச்சி வடிகட்டி, பாயசத்துடன் கலக்கவும். 

View this post on Instagram

A post shared by Twominutes Chef (@2minutes_chef)

பாயசத்தை நன்கு கலக்கி, ஏலக்காய் தூள் மற்றும் வறுத்து வைத்த முந்திரி, பாதாம், உலர் திராட்சையை சேர்த்து இறக்கினால் சுவையான அவல் பாயசம் தயார்.