சுட்ட பூண்டு குழம்பு... இப்படி செஞ்சா தனி ருசி!

சுட்ட பூண்டு குழம்பு செய்முறை பாரம்பரியமானது, கிராமங்களில் அனைவரும் விரும்பி சாப்பிடக்கூடியது. பூண்டு பற்களை அப்படியே நெருப்பில் சுட்டு செய்யும் இந்த குழம்பு, உடலுக்கு மிகவும் நல்லது. இதை செய்வதற்கு எளிமையான வழிமுறைகள் என்ன என்பதை பார்ப்போம.

தேவையான பொருட்கள்

நல்லெண்ணெய் - 100 மில்லி

கடுகு - 1/2 தேக்கரண்டி

வெந்தயம் - 1/2 தேக்கரண்டி

தனியாக அரைத்த மிளகாய் தூள் - 1 தேக்கரண்டி

குழம்பு மிளகாய் தூள் - 3 தேக்கரண்டி

கறிவேப்பிலை

மஞ்சள் தூள் - 1/4 தேக்கரண்டி

கல் உப்பு

பெருங்காயம் - 1 தேக்கரண்டி

வெல்லம் - 1 தேக்கரண்டி

அரைப்பதற்கு:

மிளகு - 1 தேக்கரண்டி

நறுக்கிய தக்காளி - 2 முதல் 3

சின்ன வெங்காயம் - 10

செய்முறை

முதலில், மிளகு, தக்காளி மற்றும் சின்ன வெங்காயம் ஆகியவற்றை ஒன்றாக சேர்த்து மிக்ஸியில் நைஸாக அரைத்து வைத்துக்கொள்ளவும். பிறகு, ஒரு கடாயில் நல்லெண்ணெய் ஊற்றி, அது சூடானதும் கடுகு, வெந்தயம் சேர்த்து தாளிக்கவும்.

கடுகு பொரிந்ததும், கறிவேப்பிலை மற்றும் பெருங்காயம் சேர்க்கவும். அடுத்து, அரைத்து வைத்த விழுதை கடாயில் சேர்த்து, எண்ணெயில் நன்றாக வதக்கவும். விழுது பச்சை வாசனை போனதும், தனியாக அரைத்த மிளகாய் தூள், குழம்பு மிளகாய் தூள் மற்றும் மஞ்சள் தூள் சேர்த்து நன்கு கலக்கவும்.

View this post on Instagram

A post shared by Mohana jagadeesan (@mangais_kitchen)

மசாலா வாடை வந்ததும், தேவையான அளவு தண்ணீர் சேர்த்து, கல் உப்பு மற்றும் வெல்லம் சேர்க்கவும். குழம்பு கொதிக்க ஆரம்பித்ததும், சுட்ட பூண்டு பற்களை (தோலுடன்) அப்படியே சேர்க்கவும். குழம்பு நன்கு கெட்டியாகி, எண்ணெய் பிரிந்து வரும் வரை மிதமான தீயில் கொதிக்க விடவும்.

அவ்வளவுதான், சுவையான மற்றும் சத்தான சுட்ட பூண்டு குழம்பு தயார்! இந்த குழம்பு சாதத்துடன் சேர்த்து சாப்பிட மிகவும் அருமையாக இருக்கும். நீங்களும் உங்கள் வீட்டில் இதை முயற்சி செய்து பாருங்கள்.