ரத்த அளவு ஜெட் வேகத்தில் உயரும்... அதுக்கு இதுதான் பெஸ்ட் ரெசிபி!

ஈரலில் வைட்டமின் A சத்து அதிக அளவில் உள்ளது. இது கண் ஆரோக்கியம், நோய் எதிர்ப்பு சக்தி மற்றும் சரும ஆரோக்கியத்திற்கு மிகவும் அவசியம். மட்டன் ஈரலில் ஒரு நாள் தேவைப்படும் அளவை விட 30 மடங்கு அதிகமாக வைட்டமின் B12 சத்து உள்ளது. இந்த வைட்டமின் நரம்பு மண்டலத்தின் ஆரோக்கியம், மூளை செயல்பாடு மற்றும் இரத்த அணுக்களின் உருவாக்கத்திற்கு உதவுகிறது.

தேவையான பொருட்கள்

மஞ்சள் தூள்

மிளகாய் தூள்

மல்லித்தூள்

கரம் மசாலா

சீரகத்தூள்

பெருஞ்சீரகத்தூள்

மிளகுத்தூள்

உப்பு

எண்ணெய்

சோம்பு

கறிவேப்பிலை

இஞ்சி பூண்டு விழுது

கொத்தமல்லி இலை

செய்முறை

முதலில், நன்றாக சுத்தம் செய்த ஈரலை ஒரு பாத்திரத்தில் எடுத்துக் கொள்ளுங்கள். அதில் மஞ்சள் தூள், மிளகாய் தூள், மல்லித்தூள், கரம் மசாலா, சீரகத்தூள், பெருஞ்சீரகத்தூள், மிளகுத்தூள் மற்றும் தேவையான அளவு உப்பு சேர்த்து நன்கு பிசைந்து, மசாலா எல்லா பக்கமும் பரவும்படி கலக்கவும். இதை அரை மணி நேரம் ஊற விடுங்கள்.

அடுத்து, ஒரு கடாயில் எண்ணெய் ஊற்றி சூடானதும், சோம்பு, கறிவேப்பிலை மற்றும் இஞ்சி பூண்டு விழுது சேர்த்து வதக்குங்கள். பின்னர், ஊற வைத்த ஈரலை சேர்த்து இரண்டு நிமிடங்கள் நன்கு வதக்க வேண்டும். சிறிதளவு தண்ணீர் சேர்த்து மூடி போட்டு, ஐந்து நிமிடங்கள் வேக விடவும்.

View this post on Instagram

A post shared by Saira Ashiq🦋 [Creator | Influencer] (@sairashiq_asktamil)

ஈரல் வெந்ததும் மூடியை எடுத்து, இன்னும் 10 முதல் 15 நிமிடங்கள் வரை நன்கு வறுக்கவும். ஈரல் வறுவல் நன்றாக சுருண்டு வரும்போது அடுப்பை அணைத்துவிடுங்கள். இறுதியாக, நறுக்கிய கொத்தமல்லி இலைகளைத் தூவி இறக்கினால், சுவையான, காரசாரமான ஈரல் வறுவல் தயார். இந்த ஈரல் வறுவலை சூடான சாதம், சப்பாத்தி அல்லது தோசையுடன் சேர்த்து சாப்பிட்டால் மிகவும் அருமையாக இருக்கும்.