ஹெல்தி லஞ்ச் ரெசிபி... டக்குன்னு ரெடி பண்ண டிப்ஸ்!

சுவையான புதினா சாதம் எப்படி செய்வது என்பதை பார்க்கலாம்.

தேவையான பொருட்கள்:

எண்ணெய் - 2 தேக்கரண்டி

உளுத்தம் பருப்பு - 1 தேக்கரண்டி

பச்சை மிளகாய் - 4

பூண்டு - 10 பல்

கறிவேப்பிலை - ஒரு கொத்து

புதினா இலைகள்

கொத்தமல்லி இலைகள்

நெய் - 1 தேக்கரண்டி

கடுகு

வெங்காயம் (பொடியாக நறுக்கியது)

சாதம்

உப்பு

செய்முறை:

ஒரு வாணலியில் எண்ணெய் விட்டு, காய்ந்ததும் உளுத்தம் பருப்பு, பச்சை மிளகாய், பூண்டு, கறிவேப்பிலை, புதினா மற்றும் கொத்தமல்லி இலைகள் சேர்த்து நன்கு வதக்கவும். வதக்கிய இந்த கலவையை ஆற வைத்து, பிறகு மிக்ஸியில் அரைத்து விழுதாக எடுத்து வைத்துக் கொள்ளவும்.

இப்போது, மற்றொரு வாணலியில் நெய் விட்டு, கடுகு, உளுத்தம் பருப்பு, பூண்டு, பொடியாக நறுக்கிய வெங்காயம் மற்றும் கறிவேப்பிலை சேர்த்து வதக்கவும். பிறகு, அரைத்து வைத்துள்ள புதினா விழுதைச் சேர்த்து, நன்கு வதக்கவும்.

அடுத்து, சாதம் மற்றும் தேவையான அளவு உப்பு சேர்த்து நன்கு கிளறவும். அவ்வளவுதான், சுவையான புதினா சாதம் தயார்! இதை நீங்களும் செய்து பார்த்து உங்கள் குழந்தைகளுக்கும் கொடுங்கள். அவர்களுக்கு இது மிகவும் பிடிக்கும். ட்ரை பண்ணி பாருங்க.