உங்க குழந்தைங்க ஒல்லியா இருக்காங்களா? கவலை வேண்டாம்; ராகியில் இதை செய்து கொடுங்க

ஒல்லியாக இருக்கும் குழந்தைகளை நல்ல ஊட்டச்சத்து மிக்க குழந்தையாக மாற்ற இந்த ரெசியை செய்து கொடுங்கள். உடல் ஆரோக்கியத்திற்கு மிகவும் நல்லது.

தேவையான பொருட்கள்:

முளைகட்டிய ராகி மாவு - அரை கப்

சர்க்கரை அல்லது வெல்லம் - தேவையான அளவு

ஏலக்காய் – சிறிதளவு

நெய் - ஒரு தேக்கரண்டி

பாதாம், முந்திரி, பிஸ்தா – சிறிதளவு

மக்கானா – 100 கிராம்

சுக்கு – ஒரு துண்டு

காய்நத பேரிட்சம் பழம் - 5

செய்முறை:

முதலில் ராகியை நன்றாக ஊறவைத்து ஒரு துணியில் கட்டி வைத்துவிடவும். மறுநாள் அல்லது 2 நாட்கள் கழித்து பார்த்தால், அதில் முளைகட்டியிருக்கும். அதனை எடுத்து நன்றாக வெயிலில் காயவைத்து தனியாக எழுத்து வைத்துக்கொள்ளவும்.

ஒரு அடிகனமான பாத்திரத்தை அடுப்பில் வைத்து, அதில் பாதாம், முந்திரி, பிஸ்தா சேர்த்து வறுத்து தனியே எடுத்து வைக்கவும். அதே பாத்திரத்தில் காய்ந்த பேரிட்சம் பழம், சுக்கு, ஏலக்காய் சேர்த்து வறுத்து எடுத்துக்கொள்ளவும்.

View this post on Instagram

A post shared by Nandhini saravanan (@magiscookingdiary_)

இறுதியாக மக்கானாவை வறுத்து அனைத்தையும் ஒன்றாக சேர்த்து, அதில் காயவைத்த முளைக்கட்டிய ராகி, இனிப்புக்காக, சர்க்கரை அல்லது வெல்லம் சேர்த்து நன்றாக அரைத்து எடுத்துக்கொள்ளவும். தேவை என்றால் கொக்கோ பவுடரையும் சேர்த்துக்கொள்ளலாம்.

அரைத்த மாவில், சூடான நெய் சேர்த்து பிசைந்து உருண்டையாக பிடித்து எடுத்தால் சுவையான ராகி உருண்டை ரெடி. இந்த முளைகட்டிய ராகி மால்ட் காலை உணவு அல்லது மாலை நேர சிற்றுண்டியாக அருந்தலாம். இதில் உள்ள நார்ச்சத்து மற்றும் கால்சியம் சத்துக்கள் உடலுக்கு மிகவும் நல்லது.