மலச் சிக்கல்? இந்த காயின் தோலில் செஞ்ச சட்னி போதும்: சொல்லும் டாக்டர் கௌதமன்

பீர்க்கங்காய் சட்னி, இட்லி, தோசை, அல்லது சூடான சாதத்துடன் சேர்த்து சாப்பிட அருமையாக இருக்கும். இதில் நார்ச்சத்து அதிகம் இருப்பதால், ஆரோக்கியத்திற்கும் மிகவும் நல்லது. மலச்சிக்கல் பிரச்சனைக்கு இந்த சட்னி தீர்வு தரும். எப்படி செய்வது என்பதை பார்ப்போமா?

தேவையான பொருட்கள்

பீர்க்கங்காய் - 1 

சின்ன வெங்காயம் - 10-15

பூண்டு - 4-5 பற்கள்

காய்ந்த மிளகாய் - 4-5

கடலைப்பருப்பு - 1 தேக்கரண்டி

உளுத்தம் பருப்பு - 1 தேக்கரண்டி

புளி - ஒரு சிறிய நெல்லிக்காய் அளவு

நல்லெண்ணெய் - 2-3 தேக்கரண்டி

கடுகு - ½ தேக்கரண்டி

பெருங்காயத்தூள் - ஒரு சிட்டிகை

கறிவேப்பிலை - ஒரு கொத்து

உப்பு - தேவையான அளவு

செய்முறை

முதலில், பீர்க்கங்காயைத் தோல் சீவி, சிறிய துண்டுகளாக நறுக்கி வைத்துக் கொள்ளுங்கள். வெங்காயம், தக்காளி, பூண்டு ஆகியவற்றையும் பொடியாக நறுக்கிக் கொள்ளுங்கள். ஒரு கடாயில் ஒரு தேக்கரண்டி நல்லெண்ணெய் ஊற்றி சூடாக்கவும். அதில் கடலைப்பருப்பு, உளுத்தம் பருப்பு, காய்ந்த மிளகாய் சேர்த்து பொன்னிறமாக வதக்கவும். வதக்கிய பொருட்களை தனியாக ஒரு தட்டில் எடுத்து வைத்துக் கொள்ளுங்கள்.

அதே கடாயில் மீதமுள்ள எண்ணெயைச் சேர்த்து, பூண்டு, வெங்காயம், கறிவேப்பிலை சேர்த்து நன்கு வதக்குங்கள். வெங்காயம் கண்ணாடி பதம் வந்ததும், புளியைச் சேர்த்து மென்மையாகும் வரை வதக்குங்கள். இப்போது, நறுக்கிய பீர்க்கங்காயைச் சேர்த்து, அது நன்கு சுருங்கி வதங்கும் வரை வதக்கவும். பின்னர் அடுப்பை அணைத்து, வதக்கிய கலவையை ஆறவிடுங்கள்.

View this post on Instagram

A post shared by Sharmi Bala (@sharmibala58)

ஆறியதும், வதக்கி வைத்த பருப்பு, காய்ந்த மிளகாய் கலவையுடன் சேர்த்து, தேவையான அளவு உப்பு சேர்த்து மிக்ஸியில் அரைத்து எடுக்கவும். தண்ணீர் அதிகம் சேர்க்கத் தேவையில்லை. தாளிப்புக்கு, ஒரு சிறிய வாணலியில் எண்ணெய் விட்டு, கடுகு, பெருங்காயத்தூள், கறிவேப்பிலை சேர்த்து தாளித்து, அரைத்து வைத்த சட்னியில் கொட்டி கலக்கவும். இப்போது, சுவையான பீர்க்கங்காய் சட்னி தயார்.