நரம்புகளுக்கு புத்துணர்ச்சி, மலச் சிக்கலுக்கு விடுதலை... இந்த காயில் பொரியல் மிஸ் பண்ணிடாதீங்க!

நாம் அன்றாடம் எடுத்துக் கொள்ளும் காய்கறியில் ஏராளமான மருத்துவ குணங்கள் அடங்கி இருக்கும். குறிப்பாக, புடலங்காயில் நரம்புகளை புத்துணர்ச்சியாக்கும் ஆற்றல் மற்றும் மலச்சிக்கலுக்கு தீர்வு அளிக்கும் தன்மை இருக்கிறது. அதன்படி, சுவையான புடலங்காய் பொரியல் எவ்வாறு செய்யலாம் என்று இந்த பதிவில் காணலாம்.

தேவையான பொருட்கள்:

புடலங்காய்,
எண்ணெய்,
கடுகு, 
உளுத்தம் பருப்பு, 
கறிவேப்பிலை,
உப்பு,
தண்ணீர்,
பூண்டு,
வரமிளகாய், 
சீரகம் மற்றும்
மஞ்சள் தூள்.

செய்முறை:

முதலில் புடலங்காயை சிறிய துண்டுகளாக நறுக்கி எடுத்துக் கொள்ள வேண்டும். இதன் பின்னர், அடுப்பில் கடாய் வைத்து அதில் எண்ணெய் ஊற்றி சூடுபடுத்த வேண்டும். இப்போது, கடுகு, உளுத்தம் பருப்பு, கறிவேப்பிலை சேர்த்து தாளிக்க வேண்டும்.

இதன் பின்னர், நறுக்கி வைத்திருக்கும் புடலங்காய், தேவையான அளவு உப்பு, சிறிது தண்ணீர் சேர்த்து வேகவைக்க வேண்டும். இதனிடையே, பூண்டு, வரமிளகாய், சீரகம் சேர்த்து கொரகொரப்பாக அரைக்க வேண்டும். 

இதையடுத்து, நன்றாக வெந்த புடலங்காயில் அரைத்து வைத்த மசாலா, சிறிது மஞ்சள் தூள் மற்றும் எண்ணெய் சேர்த்து 5 நிமிடங்களுக்கு வதக்க வேண்டும். இவ்வாறு செய்தால் சுவையான புடலங்காய் பொரியல் தயாராகி விடும்.

View this post on Instagram

A post shared by Recipes_Den (@recipes_den)