டேஸ்டியான ஒரு ஸ்வீட் ரெசிபி... கல்யாண பந்தியில் இருப்பது போல சுவையாக இருக்கும்

டேஸ்டியான மற்றும் ஹெல்தியான இளநீர் பாயாசம் எப்படி செய்வது என்று பார்ப்போம். இது நல்ல மணமாகவும் சுவையாகவும் இருக்கும். இந்த பாயாசம் எல்லோரும் செய்வார்கள் ஆனால் ஏதாவது ஒரு  குறையாகத்தான் இருக்கும். ஆனால் இந்த மாதிரி சுவையாக சரியான பதத்தில் செய்து பாருங்கள் டேஸ்டியாக இருக்கும். எல்லோரும் 2 டம்ளர் வரை வாங்கி குடிப்பார்கள். 

தேவையான பொருட்கள்:

கெட்டியான பால் - 1 லிட்டர்
இளநீர் வழுக்கை - 2 கப் 
தேங்காய் பால் - 2 கப் 
சர்க்கரை - 1 கப் 
ஏலக்காய் தூள் - 1/2 டீஸ்பூன்
முந்திரி - 20
நெய் - தேவையான அளவு

செய்முறை:

ஒரு கனமான அடி பாத்திரத்தில் பாலை ஊற்றி மிதமான தீயில் நன்கு கொதிக்க விடவும். பால் சுண்டி, பால்கோவாவின் முந்தைய நிலைக்கு வரும் வரை கிளறவும். இதற்கு சுமார் 20-30 நிமிடங்கள் ஆகலாம். பால் பாதியாகச் சுண்டியதும், அடுப்பை அணைத்து ஆற விடவும். இளநீரில் உள்ள வழுக்கையை எடுத்து, நார் நீக்கி, சிறு சிறு துண்டுகளாக நறுக்கி வைத்துக் கொள்ளவும். ஒரு இளநீர் வழுக்கையை தனியாக வைத்து, மீதி இளநீர் வழுக்கையை சிறிதளவு இளநீர் தண்ணீருடன் சேர்த்து மிக்ஸியில் கொரகொரப்பாக அரைத்துக் கொள்ளவும்.

ஒரு சிறிய கடாயில் நெய் விட்டு சூடாக்கி, முந்திரியைப் பொன்னிறமாக வறுத்து தனியாக எடுத்து வைக்கவும். ஆறிய பாலுடன் அரைத்து வைத்துள்ள இளநீர் வழுக்கை விழுதைச் சேர்க்கவும். பின்னர் தேங்காய் பால், சர்க்கரை மற்றும் ஏலக்காய் தூள் சேர்த்து நன்கு கலக்கவும். கடைசியாக, பொடியாக நறுக்கி வைத்துள்ள இளநீர் வழுக்கை துண்டுகள் மற்றும் வறுத்த முந்திரியைச் சேர்த்து அலங்கரித்து, குளிர வைத்துப் பரிமாறவும்.

இளநீர் பாயாசம் செய்யும்போது, இளநீர் வழுக்கை இனிப்பாகவும், புளிப்புத் தன்மை இல்லாமலும் இருப்பது முக்கியம். இனிப்பு அதிகம் தேவைப்பட்டால், சர்க்கரைக்குப் பதிலாக கண்டன்ஸ்டு மில்க் சேர்க்கலாம். பச்சைக் கற்பூரம் ஒரு சிட்டிகை சேர்த்தால் பாயாசம் இன்னும் மணமாக இருக்கும்.