டேஸ்டி உருளை வறுவல்... இதுதான் சீக்ரெட் மசாலா!

மல்லி உருளைக்கிழங்கு கறி, சாதம், ரசம் அல்லது சாம்பார் சாதத்துடன் சேர்த்து சாப்பிட அருமையான ஒரு துணை உணவாகும். இந்தக் கறியின் தனித்துவமான சுவை, அதில் சேர்க்கப்படும் பொடி தான். இது செய்வது மிகவும் எளிது. இதற்கு தேவையான பொருட்கள், மற்றும் செய்முறை விளக்கங்கள் குறித்து தி ஹோம் மேட் குக்கிங் இன்ஸ்டா பக்கத்தில் கூறியிருப்பது பற்றி பார்ப்போம். 

தேவையான பொருட்கள்:

உருளைக்கிழங்கு - 6 
நிலக்கடலை எண்ணெய் - 1 டேபிள்ஸ்பூன்
கடுகு - 3/4 டீஸ்பூன்
உளுத்தம் பருப்பு - 1 டீஸ்பூன்
சோம்பு - 3/4 டீஸ்பூன்
கறிவேப்பிலை - 5 இலைகள்
மஞ்சள் தூள் - 3/4 டீஸ்பூன்
தேவைக்கேற்ப உப்பு
பெருங்காயத்தூள் - 3/4 டீஸ்பூன்
மல்லித்தழை - தேவைக்கேற்ப
நெய் - 1-2 டீஸ்பூன்
மல்லி விதைகள் (தனியா) - 2 டேபிள்ஸ்பூன்
கடலைப்பருப்பு - 2 டேபிள்ஸ்பூன்
மிளகு - 1 டீஸ்பூன்
எள் - 1 டீஸ்பூன்
நிலக்கடலை - 1 டேபிள்ஸ்பூன் 
மிளகாய் தூள் - 2 டீஸ்பூன்

செய்முறை:

உருளைக்கிழங்குகளை குக்கரில் இரண்டு விசில் வரும் வரை வேக வைக்கவும். நீங்கள் நீராவியில் வேக வைக்கலாம், மைக்ரோவேவ் அல்லது இன்ஸ்டன்ட் பாட் பயன்படுத்தியும் வேக வைக்கலாம். அதன் தோலை உரித்து, சிறு துண்டுகளாக நறுக்கி தனியாக வைக்கவும்.

அடுப்பில் ஒரு வாணலியை வைத்து, வறுத்து அரைக்க வேண்டிய பொருட்களை (மல்லி விதைகள், கடலைப்பருப்பு, மிளகு, எள், நிலக்கடலை, மிளகாய் தூள்) தனித்தனியாக வறுத்து எடுக்கவும். இவை நன்கு ஆறியதும், அவற்றை மிக்ஸியில் போட்டு கொரகொரப்பாக அரைத்து பொடி செய்து கொள்ளவும். இந்த பொடி இந்தக் கறியின் சுவையை அதிகரிக்கும். நீங்கள் கூடுதல் மல்லித்தழையை சேர்த்து தண்ணீர் இல்லாமல் அரைக்கலாம்.

அடுப்பில் ஒரு வாணலியை வைத்து, அதில் எண்ணெய் ஊற்றவும். எண்ணெய் சூடானதும், கடுகு, உளுத்தம் பருப்பு, சோம்பு மற்றும் கறிவேப்பிலை சேர்த்து தாளிக்கவும். தாளித்ததும், நறுக்கி வைத்த உருளைக்கிழங்கு துண்டுகளை சேர்க்கவும். அதனுடன் மஞ்சள் தூள், உப்பு மற்றும் பெருங்காயத்தூள் சேர்த்து நன்கு கலக்கவும்.

இப்போது, அரைத்து வைத்த பொடியிலிருந்து 3 டேபிள்ஸ்பூன் அளவு எடுத்து உருளைக்கிழங்குடன் சேர்த்து நன்கு கலக்கவும். பொடி உருளைக்கிழங்குடன் முழுமையாக கலக்கும் வரை வதக்கவும். இறுதியாக, மல்லித்தழை மற்றும் நெய் சேர்த்து கலக்கவும். இதை சூடாகப் பரிமாறவும்.

View this post on Instagram

A post shared by Sowmya Arun | Indian Vegetarian Food | SouthIndianCooking (@thehomemadecooking)

இந்தக் கறி ஜீரா மிளகு ரசம் சாதத்துடன் சேர்த்து சாப்பிட மிகவும் சுவையாக இருக்கும். உருளைக்கிழங்குக்குப் பதிலாக வெண்டைக்காய், சர்க்கரைவள்ளிக்கிழங்கு, சேப்பங்கிழங்கு, புடலங்காய், வாழைக்காய், கோவக்காய், கத்திரிக்காய், குடைமிளகாய், அவரைக்காய், கொத்தவரங்காய், பச்சைப் பயிறு மற்றும் பாகற்காய் போன்ற காய்கறிகளையும் பயன்படுத்தி இந்த ரெசிபியை முயற்சி செய்யலாம்.