டீ போடும் கேப்பில் சூடான போண்டா: சிம்பிள் டிப்ஸ் இதுதான்!

மாலை நேரங்களில் டீக்கடைகளில் கிடைக்கும் சூடான போண்டாவை யாரும் விரும்பி சாப்பிடுவார்கள். அதை எளிதாகவும் விரைவாகவும் வீட்டில் எப்படித் தயாரிக்கலாம் என்பதை இந்தச் செய்முறை விளக்குகிறது. வெறும் 10 நிமிடங்களில் சுவையான டீக்கடை போண்டாவை வீட்டிலேயே தயார் செய்யலாம். பிள்ளைகளுக்கு ஈவ்னிங் ஸ்நாக்ஸ்க்கும் இது நன்றாக இருக்கும். இதனை எப்படி செய்வது என்று சென்னை வெரைட்டி ஃபுட்ஸ் இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

நறுக்கிய வெங்காயம் - 1
பச்சை மிளகாய் - 2
நறுக்கிய கொத்தமல்லி மற்றும் கறிவேப்பிலை
மிளகாய் தூள் - 1/2 ஸ்பூன்
மஞ்சள் தூள் - 1/4 ஸ்பூன்
சீரகம் - 1/4 ஸ்பூன்
உப்பு - தேவையான அளவு
சமையல் சோடா - 1/4 ஸ்பூன்
கடலை மாவு - 1 கப்
அரிசி மாவு - 1/4 கப்
பெருங்காயத்தூள் - சிறிது
சூடான எண்ணெய் - 1 கரண்டி
தண்ணீர் - தேவையான அளவு

செய்முறை:

ஒரு பாத்திரத்தில் வெங்காயம், பச்சை மிளகாய், கொத்தமல்லி, கறிவேப்பிலை, மிளகாய் தூள், மஞ்சள் தூள், சீரகம், உப்பு மற்றும் சமையல் சோடா ஆகியவற்றைச் சேர்த்து நன்றாகக் கலக்கவும். இப்போது, கடலை மாவு, அரிசி மாவு, பெருங்காயத்தூள், மற்றும் ஒரு கரண்டி சூடான எண்ணெயைச் சேர்த்து மீண்டும் நன்கு கலக்கவும்.

கொஞ்சம் கொஞ்சமாகத் தண்ணீர் சேர்த்து, மாவை கெட்டியாகவும் இல்லாமல், மிக நீர்த்தும் இல்லாமல் பிசைந்து கொள்ளவும். கைகளில் சிறிது எண்ணெய் தடவி, பிசைந்த மாவைச் சிறிய உருண்டைகளாக உருட்டி, சூடான எண்ணெயில் போட்டுப் பொரிக்கவும்.

View this post on Instagram

A post shared by Chennai Variety Foods (@chennai_variety_foods)

போண்டாக்கள் பொன்னிறமாக மாறியதும், அவற்றை எண்ணெயிலிருந்து எடுத்து, சுடச்சுடப் பரிமாறவும். இந்த எளிமையான செய்முறையைப் பின்பற்றி, வீட்டிலேயே சுவையான டீக்கடை போண்டாவை செய்யலாம். ஈவ்னிங் ஸ்கூல் விட்டு வரும் பிள்ளைகளுக்கு இந்த ஸ்நாக்ஸ் ரெசிபி செய்து கொடுக்கலாம். டீப்போடும் கொஞ்ச நேரத்திலேயே இந்த ஸ்நாக்ஸ் ரெசிபியை செய்து விடலாம்.