தை அமாவாசை: இந்த காய்கறிகளை படையலில் வைக்காதீங்க மக்களே..! அனிதா குப்புசாமி

அமாவாசை என்றாலே பித்ரு வழிபாடு அவசியம் செய்ய வேண்டும் என்பது நியதி. இப்படி செய்வதன் மூலம் நம் முன்னோர்களின் ஆசி நமக்கும், நம் சந்ததியினருக்கும் கிடைக்கும் என்று நம்பப்படுகிறது. அதன்படி, அமாவாசை படையலில் இடம்பெற வேண்டிய காய்கறிகள் குறித்தும், பயன்படுத்தக் கூடாத காய்கறிகள் குறித்தும் அனிதா குப்புசாமி தெரிவித்துள்ளார்.

அமாவாசை படையலில் அசைவ உணவுகளை கூடுமானவரை தவிர்த்து விடுவது நல்லது என அவர் தெரிவித்துள்ளார். மேலும், அமாவாசை படையலில் வைத்த உணவை, காகம் போன்ற ஜீவராசிகளுக்கு கட்டாயம் வைக்க வேண்டும் எனவும் அவர் கூறியுள்ளார். இது தவிர அன்னதானமும் வழங்க வேண்டும்.

அமாவாசையன்று சந்திரனும், சூரியனும் ஒரே நேர்கோட்டில் இருப்பதால் சில உடல் உபாதைகள் ஏற்படும் வாய்ப்புகள் இருப்பதாக கூறப்படுகிறது. அதற்கு ஏற்றார் போல் உணவுகளை எடுத்துக் கொள்ள வேண்டும் என அனிதா குப்புசாமி தெரிவித்துள்ளார். 

அவரைக்காய், புடலங்காய், பயத்தங்காய், வாழைத்தண்டு, வாழைப்பூ, வாழைக்காய், சர்க்கரைவள்ளி கிழங்கு, சேனைக் கிழங்கு, சேப்பங்கிழங்கு, பிரண்டை, மாங்காய், இஞ்சி, நெல்லிக்காய், பாகற்காய், மிளகு, கறிவேப்பிலை, பாசிப்பருப்பு, உளுந்து, கோதுமை மற்றும் வெல்லம் ஆகியவை அமாவாசை படையலில் இடம்பெறலாம்.

முட்டைக்கோஸ், நுல்கல், முள்ளங்கி, கீரை, பீன்ஸ், உருளைக் கிழங்கு, கேரட், கத்திரிக்காய், வெண்டைக்காய், காலிஃபிளவர், ப்ரோக்கொலி, பட்டாணி, வெங்காயம், பூண்டு, பெருங்காயம், தக்காளி, சௌசௌ, சுரைக்காய், வெள்ளைப் பூசணி, மஞ்சள் பூசணி, முருங்கைக்காய், கோவக்காய், பீட்ரூட் மற்றும் பச்சை மிளகாய் ஆகியவை அமாவாசை படையலில் இடம்பெறாமல் பார்த்துக் கொள்ள வேண்டும்.