வீட்டில் இருக்கும் பொருட்கள் போதும்; குழந்தைகளுக்கு பிடித்த ஸ்வீட்… இப்படி செய்தால் திரும்ப திரும்ப கேப்பாங்க!

இன்று நாம் பார்க்கப்போவது ஒரு எளிய இனிப்பு ரெசிபி. வாயில் வைத்தாலே கரையும் இந்த இனிப்பு செய்ய அதிகபட்சம் 10 நிமிடங்களே போதும். நினைத்தவுடன் செய்யலாம். சமைக்க தெரியாதவர்கள் கூட எளிதாக செய்யக்கூடிய ஒரு எளிய இனிப்பு ரெசிபி.

தேவையான பொருட்கள்:

துருவிய தேங்காய் - 1 கப் (தேங்காயின் பிரவுன் பாகத்தை நீக்கிட்டு வெள்ளை பாகம் மட்டும் எடுத்துக்கோங்க)

அரிசி மாவு - 1 ஸ்பூன்                                               

ஏலக்காய் - 2

உப்பு - ஒரு சிட்டிகை

தண்ணீர் - கொஞ்சம்

நெய் - 2 டேபிள் ஸ்பூன்

பொடியாக நறுக்கிய தேங்காய் - 1 டேபிள் ஸ்பூன்

பொடியாக நறுக்கிய முந்திரி பருப்பு - 1 டேபிள் ஸ்பூன்

பொடித்த வெல்லம் - முக்கால் கப் (தூசியா இருந்தா கரைச்சு வடிகட்டிக்கோங்க)

திராட்சை - கொஞ்சம் (விருப்பப்பட்டால்)

நெய் - 1 ஸ்பூன் (கடைசியில் சேர்க்க - விருப்பப்பட்டால்)

செய்முறை:

ஒரு மிக்ஸி ஜார்ல துருவிய தேங்காய், அரிசி மாவு, ஏலக்காய், உப்பு, கொஞ்சமா தண்ணி சேர்த்து நல்லா அரைச்சுக்கோங்க. இது அப்படியே இருக்கட்டும்.

ஒரு கடாயில 2 டேபிள் ஸ்பூன் நெய் ஊத்தி சூடாக்குங்க. அதுல பொடியா நறுக்கின தேங்காய், முந்திரி பருப்பு போட்டு பொன்னிறமா வறுத்து எடுத்து தனியா வச்சுக்கோங்க. அதே நெய்யில அரைச்சு வச்சிருக்க தேங்காய் கலவையை சேருங்க.

மிதமான தீயில ரெண்டு நிமிஷம் கிளறுங்க. தேங்காயோட பச்சை வாசனை போற வரைக்கும் வதக்குங்க.

பொடிச்ச வெல்லத்தை சேருங்க. வெல்லம் தூசியா இருந்தா கரைச்சு வடிகட்டி சேர்த்துக்கோங்க.

வெல்லம் நல்லா கரைஞ்சு கெட்டியாகுற வரைக்கும் கிளறிக்கிட்டே இருங்க.

வறுத்து வச்சிருக்க முந்திரி, திராட்சை சேருங்க.

கலவை நல்லா கெட்டியாகும் வரைக்கும் கிளறுங்க. கெட்டியானதும் அடுப்பை ஆஃப் பண்ணிடுங்க. விருப்பப்பட்டா ஒரு ஸ்பூன் நெய் சேர்த்துக்கலாம்.

இந்த இனிப்பு செய்ய அதிகபட்சம் 10 நிமிடங்களே ஆகும். வாயில் வைத்தாலே கரையும் இந்த இனிப்பு சாப்பிட மிகவும் நன்றாக இருக்கும். இந்த ரெசிபியை உங்கள் வீட்டில் செய்து பார்த்துவிட்டு எப்படி இருக்கிறது என்று சொல்லுங்கள்.