கம்மி விலையில் தக்காளி... வெறும் 10 நிமிசம் போதும்; வீடே மணக்க மணக்க ரசம்: செஃப் தீனா ரெசிபி

பிரபல சமையல் கலைஞர் செஃப் தினா, மாம்பலம் ஜனனி கேட்டரிங் ஸ்பெஷல் ரெசிபியான தக்காளி ரசம் வெறும் 10 நிமிடத்தில் வீடே மணக்க மணக்க செய்வது எப்படி என்று செய்து காட்டியுள்ளார்.

கம்மி விலையில் தக்காளி வாங்கி வெறும் 10 நிடத்தில் வீடே மணக்க மணக்க தக்காளி ரசம் வைப்பது எப்படி என்று செஃப் தீனா தனது தனது யூடியூப் சேனலில் செய்து காட்டியுள்ளார். இந்த தக்காலி ரசத்தை ஜனனி கேட்டரிங்கைச் சேர்ந்தவர் செய்கிறார்.

கல்யாண ஸ்டைல் தக்காளி ரசம் செய்ய தேவையான பொருட்கள்:

நாட்டுத் தக்காளி 1 கிலோ, கடுகு 1 டீஸ்பூன், சீரகம் 1 டீஸ்பூ, மிளகு 35 கிராம், பெருங்காயம் 1 டீஸ்பூன், புளி 100 கிராம், வெல்லம் 1/2 டீஸ்பூன், அரைத்த பூண்டு 100 கிராம், காய்ந்த மிளகாய் 6-7,  பச்சை மிளகாய் 6-7, கருவேப்பிலை தேவையான அளவு, கொத்தமல்லி தேவையான அளவு, மஞ்சள் தூள் 1/2 டீஸ்பூ, உப்பு தேவையான அளவு நல்லெண்ணெய் 200 மி.லி, நெய் மணத்துக்காக ஒரு டீஸ்பூன்.

தக்காளி ரசம் செய்முறை: 

நாட்டுத் தக்காளி 1 கிலோ கழுவி எடுத்துக்கொள்ளுங்கள். ஒரு பெரிய பாத்திரம் எடுத்துக்கொள்ளுங்கள். அதில் அரை டீஸ்பூன் மஞ்சள் போடுங்கள். அதில் தக்காளியை கைகளாலேயே பிழிந்து எடுத்துக்கொள்ளுங்கள். பிறகு, கொத்தமல்லியை தண்டுடன் எடுத்து கழுவி கைகளாலேயே கிள்ளிப் போடுங்கள். அதனுடன் 1 டீஸ்பூன் வெல்லம் சேர்த்துக்கொளுங்கள். கொஞ்சம் கருவேப்பிலை போடுங்கள். அடுத்து, கருவேப்பிலை 3 டீஸ்பூன் போடுங்கள். 

இதற்கு முன்னதாக, மிளகு மற்றும் சீரகம் தனித் தனியாக வறுத்து ஆர வைத்து பின்னர் மிக்ஸியில் ஒன்றாகப் போட்டு நறநறவென்ற பக்குவத்தில் அரைத்து எடுத்து தக்காளியில் போடுங்கள். கீறி வைத்த பச்சை மிளகாயைக் உங்கள் காரத்திற்கு ஏற்றாற்போல போடுங்கள். இப்போது எல்லாவற்றையும் சேர்த்து நன்றாகப் பிசையுங்கள். 

இப்போது ரசம் செய்ய ஒரு பெரிய பாத்திரம் எடுத்து அடுப்பில் வையுங்கள். அதில் எண்ணெய் ஊற்றுங்கள். எண்ணெய் காய்ந்ததும், 1 டீஸ்பூன் கடுகு போடுங்கள் பொரிந்ததும், சீரகம் அரை டீஸ்பூன் போடுங்கள், கருவேப்பிலை கொஞ்சம் போடுங்கள். அடுத்து, பூண்டு தோலுடன் இடித்து போடுங்கள். காய்ந்த மிளகாயைக் கிள்ளிப் போடுங்கள். கொஞ்சமாக பெருங்காயத் தூள் போடுங்கள். பூண்டு வதங்க வேண்டும், இப்போது பிசைந்து வைத்த தக்காளியைப் போடுங்கள். புளியை ஊற வைத்து கரைத்து புளி தண்ணீர் ஊற்றுங்கள். அடுத்து தேவையான அளவு தண்ணீர் ஊற்றுங்கள். இப்போது கொத்தமல்லியை தண்டுடன் கிள்ளி போடுங்கள். தேவையான அளவு உப்பு போடுங்கள். கொதித்து பொங்காமல், நுரை வரும்போதே ஸ்டவ்வை அனைத்துவிட வேண்டும்.

இப்போது ஒரு வானலியை எடுத்து 2 டேபிள் ஸ்பூன் நெய் போடுங்கள். வீட்டில் கொஞ்சமாக செய்யும்போது 1 சின்ன டீஸ்பூன் நெய் போடலாம். இப்போது கருவேப்பிலை போடுங்கள். அதனுடன் கொஞ்சம் பெருங்காயத்தூள் போடுங்கள். இப்போது இதை எடுத்து ரசத்தில் தாளிப்பு போடுங்கள். கடைசியாக கொத்தமல்லி போடுங்கள். அவ்வளவுதான் ரசம் ரெடி.