எந்த மசாலாவும் வேணாம்: லஞ்ச் பாக்ஸ் டக்குன்னு காலியாக இந்த ரெசிபி!

எந்தவொரு மசாலாக்களும் சேர்க்காத தக்காளி சாதம். லஞ்ச் பாக்ஸிற்கு எப்படி சுவையாக செய்வது என்று நான்ஃபிக்சன்ஸ்ட்ரீமிங் இன்ஸ்டா பக்கத்தில் கூறியிருப்பது பற்றி பார்ப்போம். லஞ்ச் பாக்ஸ் செய்து கொடுத்தால் சாதம் நன்றாக இல்லை என கூறும் பிள்ளைகளுக்கு இனி கவலை இல்லாமல் இந்த சாதத்தை செய்து கொடுங்கள். 

தேவையான பொருட்கள்:

எண்ணெய் - 1 தேக்கரண்டி
பட்டை - 1 துண்டு
கிராம்பு - 2
பிரிஞ்சி இலை - 1
சோம்பு - 1/2 தேக்கரண்டி
வெங்காயம் - 1 
பூண்டு - 6-7 பற்கள்
உப்பு - 1 தேக்கரண்டி 
பச்சை மிளகாய் - 2
தக்காளி - 3
காஷ்மீரி சிவப்பு மிளகாய் தூள் - 1 தேக்கரண்டி
ஊறவைத்த அரிசி - 1 கப்
தண்ணீர் - 2 கப்
கொத்தமல்லி இலை - சிறிதளவு

செய்முறை:

மசாலா இல்லாத சுவையான தக்காளி சாதம் செய்ய, முதலில் ஒரு குக்கரில் எண்ணெய் ஊற்றி சூடாக்கவும். எண்ணெய் காய்ந்ததும், பட்டை, கிராம்பு, பிரிஞ்சி இலை, சோம்பு ஆகியவற்றைச் சேர்த்து பொன்னிறமாக வறுக்கவும். இப்போது நறுக்கிய வெங்காயம் சேர்த்து, அது பொன்னிறமாகும் வரை நன்கு வதக்கவும். இதனுடன், நறுக்கிய பூண்டு மற்றும் கீறிய பச்சை மிளகாய் சேர்த்து, பூண்டின் பச்சை வாசனை போகும் வரை வதக்கவும்.

பின்னர், நறுக்கிய தக்காளி சேர்த்து, அவை நன்றாகக் குழையும் வரை வதக்கவும். தக்காளி குழையும்போது உப்பு மற்றும் காஷ்மீரி சிவப்பு மிளகாய் தூள் சேர்த்து நன்றாகக் கிளறவும். காஷ்மீரி மிளகாய் தூள் சேர்ப்பதால் சாதம் நல்ல நிறத்துடன் இருக்கும், காரமும் குறைவாக இருக்கும். மசாலா வாடை இல்லாமல், இந்த பொருட்கள் மட்டுமே இந்த தக்காளி சாதத்திற்கு தனித்துவமான சுவையைக் கொடுக்கும்.

இப்போது, ஏற்கனவே 20 நிமிடங்கள் ஊறவைத்த அரிசியை (தண்ணீர் வடித்துவிட்டு) குக்கரில் சேர்த்து, மசாலாவுடன் நன்கு கலக்கவும். பின்னர், 2 கப் தண்ணீர் சேர்த்து, உப்பு சரிபார்த்துக்கொள்ளவும். குக்கரை மூடி, மிதமான தீயில் 1 விசில் வரும் வரை வேக விடவும். ஒரு விசில் வந்ததும், அடுப்பை அணைத்து, குக்கர் ஆவி அடங்கும் வரை காத்திருக்கவும்.

View this post on Instagram

A post shared by Bharti - Working Mom of Dhrishith💫 (@nonfictionstreaming)

ஆவி அடங்கியதும், குக்கரைத் திறந்து, சாதத்தை மெதுவாகக் கிளறி விடவும். பொடியாக நறுக்கிய கொத்தமல்லி இலைகளைத் தூவி பரிமாறவும். இந்த சுவையான, மசாலா சேர்க்காத தக்காளி சாதத்தை, தயிர் பச்சடி அல்லது அப்பளத்துடன் சேர்த்துச் சாப்பிட்டால் அதன் சுவை இன்னும் பிரமாதமாக இருக்கும். இது லஞ்ச் பாக்ஸிற்கு சிறந்த தேர்வாக அமையும்.