சத்துள்ள அரிசி… தினமும் இதை சாப்பிடுங்க; சித்த மருத்துவர் சிவராமன்

நெல் அரிசிக்கு பதிலாக தினை அரிசி சாப்பிடுவது உடலுக்கு அவ்வளவு நல்லது. தினை அரிசியில் ஏராளமான நன்மைகள் நிறைந்துள்ளது. அரிசியை காட்டிலும் பலமடங்கு சத்துக்கள் தினை அரிசியில் நிறைந்துள்ளது.

தினை அரிசியில் அதிக அளவு ஆன்டிஆக்ஸிடண்ட்ஸ் நிறைந்துள்ளது. இதனை தினமும் சாப்பிட்டு வர உடலில் ஏற்படும் செல் அழிவினை தடுத்து உங்களை எப்பொழுதும் ஆரோக்கியமாக வைக்க உதவும். இது கண் ஆரோக்கியம் மற்றும் முடி வளர்ச்சிக்கும் உதவும்.

 தினை அரிசியில் புரதம், கால்சியம், நார்ச்சத்து, இரும்புச்சத்து, தயாமீன், ரிபோப்ளோவின், நியாசின், மற்றும் அதிகப்படியான அமினோ அமிலங்களும் உள்ளன. 

திணை அரிசியின் நன்மைகள்:

உடற்பயிற்சி மற்றும் கடினமான வேலை செய்பவர்களுக்கு மிகச்சிறந்த உணவு திணை அரிசியாகும். இதில் தசைகளுக்கும், எலும்புகளுக்கு அவசியமான புரதம் மற்றும் கால்சியம் அதிக அளவில் நிறைந்துள்ளது.
 
இது தசைகள் மற்றும் எலும்புகள் உறுதியாகவும், வலிமையாகவும் இருக்க உதவி செய்கிறது. நீண்ட நாட்கள் நோயினால் அவதிபட்டு உடல் மெலிந்தவர்களின் உடலையும் தேற்றும் ஆற்றல் உண்டு.
 
உடலை உறுதியாகவும், வலிமையாகவும் வைத்திருக்க விரும்புபவர்கள் அவசியம் சாப்பிட வேண்டிய உணவு திணை அரிசி. திணை அரிசியில் இதய ஆரோக்கியத்துக்கு அவசியமான வைட்டமின் சத்துக்கள் அதிக அளவில் உள்ளன. இது இருதயத்தில் ரத்த ஓட்டம் சீராக இருக்க உதவும். 

சத்துள்ள அரிசி சாதம் - தினமும் இதை சாப்பிடுங்க | Dr.Sivaraman speech on healthy rice variety

பலவீனமான இருதயம் இருக்கிறவர்கள் திணை அரிசி சாப்பிட்டு வர மிகவும் நல்லது. இது இரத்தத்தில் மெதுவாக சர்க்கரையாக மாறுவதால் இரத்தத்தில் திடீரென சர்க்கரையின் அளவு கூடுவது தடுக்கப்படுகிறது. டைப் டூ சர்க்கரை நோயினால் அவதிப்படுபவர்கள் அரிசிக்கு மாற்றாக திணை அரிசியை பயன்படுத்தி வர இரத்த சர்க்கரையின் அளவுகள் சீராகும்.

திணை மாவுடன் கருப்பட்டி சேர்த்து உருண்டைகளாக தினமும் சாப்பிட்டு வர கருப்பை பலப்பட்டு கருப்பை சம்பந்தமான அனைத்து பிரச்சனைகளும் குணமாகும். இதில் உள்ள இரும்புச்சத்து உடலில் புதிய இரத்த செல்களை உற்பத்தி செய்து, அனீமியாவையும் போக்கவும்  உதவும்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“