தினமும் 2 பல் பூண்டு... மாரடைப்பை தடுக்குமா? விளக்கும் டாக்டர் அருண்குமார்

பூண்டு நம் சமையலறையில் எளிதாக கிடைக்கும் ஒரு பொருள். ஆனால், இதன் மருத்துவ குணங்கள் பலருக்கும் தெரிவதில்லை. மருத்துவர் அருண்குமார் தனது யூடியூப் சேனலில் பூண்டின் பல்வேறு மருத்துவ குணங்களைப் பற்றி விரிவாக விளக்குகிறார். குறிப்பாக, மாரடைப்பைத் தடுப்பதில் பூண்டின் பங்கு மற்றும் கொழுப்பைக் குறைப்பதில் அதன் திறன் பற்றி அவர் பேசியுள்ளார்.

பூண்டு கொழுப்பைக் குறைக்கும் என்று நம்பப்படுகிறது. ஆனால், ஆய்வுகள் அது பெரிய அளவில் கொழுப்பைக் குறைப்பதில்லை என்று கூறுகின்றன. தினமும் 500 மில்லி கிராம் முதல் 1 கிராம் வரை பூண்டு எடுத்துக்கொள்வது இதயத்திற்கு நல்லது. இது இரத்தக் குழாய்களை விரிவடையச் செய்து, இரத்தம் உறைவதைக் குறைக்கிறது.

பூண்டில் அழற்சி எதிர்ப்புப் பண்புகள் உள்ளன. பூண்டு இரத்த அழுத்தத்தைக் குறைக்கவும் உதவுகிறது. தினமும் 3 முதல் 4 கிராம் பூண்டு சாப்பிடுவது உடல் எடை, இரத்த சர்க்கரை அளவு மற்றும் இன்சுலின் எதிர்ப்பு ஆகியவற்றைக் குறைக்க உதவும். பூண்டு மற்றும் இஞ்சியை உணவில் சேர்த்துக்கொள்வதன் மூலம் மாரடைப்பு வரும் வாய்ப்பு 5-10% வரை குறையும். பூண்டில் அல்லிசின் (Allicin) என்ற கலவை உள்ளது. இதுவே பூண்டின் மருத்துவ குணங்களுக்குக் காரணம்

ஆனால், தீவிர பிரச்சனைகள் உள்ளவர்கள் மருந்து எடுத்துக்கொள்வதை நிறுத்தக்கூடாது. மருத்துவரை அணுகி ஆலோசனை பெறுவது முக்கியம் என்று அவர் வலியுறுத்துகிறார்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.