கூழ் காய்ச்ச வேணாம்; கை வலிக்க வேலை செய்ய தேவையில்லை... கண்ணாடி மாதிரி இப்படி வடகம் போடுங்க!

கூழ் காய்ச்சும் முறையையோ அல்லது கை வலிக்க வேலை செய்யும் சிரமத்தையோ தவிர்க்கும் வகையில், கண்ணாடி போன்ற ஜவ்வரிசி வடகம் போடுவது எப்படி என்று இந்தியன் ரெசிப்பீஸ் யூடியூப் பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்

ஜவ்வரிசி
காய்ந்த மிளகாய்
உப்பு
சீரகம்

செய்முறை

முதலில், குறிப்பிட்ட அளவு ஜவ்வரிசியை எடுத்து தண்ணீரில் நன்றாக ஊற வைக்க வேண்டும். ஊறிய ஜவ்வரிசி மென்மையாக மாறியதும், அதை வேக வைத்து எடுக்கவும். ஜவ்வரிசி நன்கு வெந்தவுடன், அதை மிக்ஸி ஜாரில் போட்டு நன்றாக அரைத்துக் கொள்ளவும். அதே மிக்ஸியில், தேவையான அளவு காய்ந்த மிளகாயையும் போட்டு அரைத்து, ஜவ்வரிசி விழுதோடு சேர்க்கவும். மிளகாயின் அளவு அவரவர் காரத்திற்கு ஏற்ப மாறுபடலாம்.

அரைத்த ஜவ்வரிசி மற்றும் மிளகாய் கலவையுடன், சிறிது சீரகம் மற்றும் தேவையான அளவு உப்பு சேர்த்து நன்றாகக் கலக்கவும். சீரகம் வடகத்திற்கு நல்ல வாசனையையும், உப்பை சுவையையும் கொடுக்கும். இந்த கலவையை ஒரு தட்டிலோ அல்லது சுத்தமான துணியிலோ சிறு சிறு வடகங்களாக கிள்ளி அல்லது ஊற்றி வெயிலில் காய வைக்கவும். வடகம் நன்றாக காய்ந்து, கண்ணாடி போல இறுகும் வரை வெயிலில் வைக்க வேண்டும். பொதுவாக, 2 முதல் 3 நாட்கள் வரை வெயிலில் காய வைத்தால் வடகம் தயார் ஆகிவிடும்.

இந்த முறையின் மூலம் தயாரிக்கப்படும் ஜவ்வரிசி வடகம், பார்ப்பதற்கு கண்ணாடி போலவும், சுவைப்பதற்கு மொறுமொறுப்பாகவும் இருக்கும். இதை எண்ணெயில் பொரித்து சிற்றுண்டியாகவோ அல்லது சாம்பார், ரசம் போன்ற உணவுகளுடன் தொட்டுக்கொள்ளவோ பயன்படுத்தலாம். குறைவான பொருட்களே தேவைப்படுவதாலும், செய்முறை எளிமையாக இருப்பதாலும், இந்த ஜவ்வரிசி வடகத்தை வீட்டில் எளிதாக செய்து மகிழலாம்.