வெஜ் ஃபிஷ்... காரசாரமாக இப்படி வறுவல் போடுங்க!

வாழைக்காய் வைத்து செய்யப்படும் சைவ மீன் வறுவல் செய்முறைக்கு பலரும் விரும்பி சாப்பிடும் ஒரு சுவையான உணவு. வாழைக்காயை மீன் வடிவில் வெட்டி, மசாலா தடவி பொரித்து எடுப்பதால், இது மீன் வறுவல் போலவே சுவைக்கும். இதை, சாப்பாட்டுடன் சேர்த்து சாப்பிடலாம் அல்லது ஸ்நாக்ஸாகவும் சாப்பிடலாம். 

தேவையான பொருட்கள்:

வாழைக்காய் - 2 (பெரியது)
மிளகாய் தூள் - 2 தேக்கரண்டி
தனியா தூள் - 1 தேக்கரண்டி
சீரக தூள் - 1/2 தேக்கரண்டி
கரம் மசாலா - 1/2 தேக்கரண்டி
இஞ்சி பூண்டு விழுது - 1 தேக்கரண்டி
எலுமிச்சை சாறு - 1 தேக்கரண்டி
கடலை மாவு - 2 தேக்கரண்டி
அரிசி மாவு - 1 தேக்கரண்டி
உப்பு - தேவையான அளவு
எண்ணெய் - பொரிப்பதற்கு தேவையான அளவு 

செய்முறை:

வாழைக்காயை தோலுரித்து, மீன் வடிவில் வெட்டிக் கொள்ளவும். வெட்டிய வாழைக்காயில் உப்பு, மிளகாய் தூள், தனியா தூள், சீரக தூள், கரம் மசாலா, இஞ்சி பூண்டு விழுது, எலுமிச்சை சாறு சேர்த்து நன்கு பிசறி, 30 நிமிடங்கள் ஊற வைக்கவும்.

ஊறிய மசாலாவில் கடலை மாவு மற்றும் அரிசி மாவு சேர்த்து நன்கு கலந்து கொள்ளவும். வாணலியில் எண்ணெய் ஊற்றி சூடானதும், வாழைக்காய் துண்டுகளை போட்டு பொன்னிறமாக பொரித்தெடுக்கவும்.

சுவையான வாழைக்காய் மீன் வறுவல் தயார்!

வாழைக்காயில் நார்ச்சத்து வைட்டமின் சி, வைட்டமின் ஏ, பொட்டாசியம், பாஸ்பரஸ், மெக்னீசியம் போன்ற உடலுக்கு அத்தியாவசியமான பல ஊட்டச்சத்துக்கள் நிறைந்துள்ளன. வாழைக்காயை உங்களுடைய உணவு வழக்கத்தில் சேர்த்து வர பலவிதமான உடல்நல பிரச்சனைகளுக்கு தீர்வு காணலாம். 

100 கிராம் வாழைக்காயில் 30-32% கொழுப்பு மட்டுமே உள்ளது. இது உடல் எடையை குறைப்பதற்கு சிறந்தது. மேலும் வாழைக்காயில் நிறைந்துள்ள நார்ச்சத்து உடல் எடை அதிகரிப்பதை கட்டுப்படுத்துகிறது. இதை சரியான அளவுகளில் உங்கள் உணவு முறையில் சேர்த்து வந்தால் உடல் எடையை சுலபமாக குறைக்கலாம். 

இப்படி இதன் நன்மைகளை அடுக்கிக்கொண்டே போகலாம். அதனால் சற்றும் யோசிக்காமல் சைவ உணவு செய்து அசத்த வேண்டும் என்றால் இந்த வெஜ் மீன் வறுவலை செஞ்சி பாருங்க.