வெஜ் ரைஸ் பாத்: பார்தாலே சாப்பிட தோணும்... தனி ருசி!

சுவையாகவும் சீக்கிரமாகவும் லஞ்ச் பாக்ஸ்க்கு ஒரு ரெசிபி செய்ய வேண்டும் அதே சமயம் பிள்ளைகளுக்கும் பிடிக்க வேண்டும் என்று புலம்புபவர்களுக்கு இனி கவலை வேண்டாம். நீங்கள் எதிர்பார்த்த மாதிரி சுவையான மற்றும் எல்லோருக்கு பிடித்த மாதிரி ஒரு வெஜ் பாத் எப்படி செய்வது என்று ஃபூட் ஆஃப் நெஸ்ட் இன்ஸ்டா பக்கத்தில் கூறியிருப்பது பற்றி பார்ப்போம். 

தேவையான பொருட்கள்:

பூண்டு  
இஞ்சி  
சின்ன வெங்காயம்
பச்சை மிளகாய்
கொத்தமல்லி
புதினா 
வரமிளகாய்
ஹோல் கரம் மசாலா 
பெரிய வெங்காயம்
உப்பு 
தக்காளி 
மிளகாய் பொடி 
மஞ்சள் பொடி
மல்லி பொடி 
பாஸ்மதி அரிசி 
தண்ணீர் (1.5 கப்)

செய்முறை:

முதலில், பூண்டு, இஞ்சி, சின்ன வெங்காயம், பச்சை மிளகாய், கொத்தமல்லி, புதினா மற்றும் வரமிளகாய் ஆகியவற்றை சேர்த்து ஒரு பேஸ்ட்டாக அரைத்துக்கொள்ளவும். இதுதான் இந்த ரைஸ் பாத்தின் தனித்துவமான சுவைக்கு ஆதாரம்.

அடுத்து, ஒரு குக்கரை அடுப்பில் வைத்து, ஹோல் கரம் மசாலா, நறுக்கிய பெரிய வெங்காயம் மற்றும் தேவையான அளவு உப்பு சேர்த்து பொன்னிறமாக வதக்கவும். வெங்காயம் நன்கு வதங்கியதும், நறுக்கிய தக்காளியை சேர்த்து மசியும் வரை வதக்க வேண்டும்.

இப்போது, மிளகாய் பொடி, மஞ்சள் பொடி, மல்லி பொடி மற்றும் நாம் அரைத்து வைத்த மசாலா பேஸ்ட்டை சேர்த்து நன்கு கிளறவும். மசாலாவின் பச்சை வாசனை போகும் வரை மூன்று முதல் நான்கு நிமிடங்கள் நன்கு வதக்க வேண்டும். இந்த நேரத்தில் ஒரு கைப்பிடி புதினா இலைகளை சேர்க்கவும். இது கூடுதல் நறுமணத்தையும் சுவையையும் தரும்.

இறுதியாக, ஒரு கப் பாஸ்மதி அரிசிக்கு ஒன்றரை கப் தண்ணீர் என்ற விகிதத்தில் தண்ணீர் சேர்த்து, உப்பு சரியாக இருக்கிறதா என்று சரிபார்த்துக்கொள்ளவும். தண்ணீர் ஒரு கொதி வந்ததும், 20 நிமிடங்கள் ஊறவைத்த பாஸ்மதி அரிசியை சேர்க்கவும். குக்கரை மூடி, மிதமான தீயில் 10 முதல் 12 நிமிடங்கள் சமைக்கவும்.

குக்கரின் விசில் சத்தம் அடங்கியதும், சுவையான தக்காளி புலாவ் (வெஜ் ரைஸ் பாத்) தயார். இந்த தனித்துவமான ருசி கொண்ட வெஜ் ரைஸ் பாத், உங்கள் குடும்பத்தினரையும் விருந்தினர்களையும் நிச்சயம் கவர்ந்து இழுக்கும். 

View this post on Instagram

A post shared by MURALIKRISHNAN M (@foodofnest)